 |
ប្រមុខអង្គការ IPU លោក Saber Choudhury
(Image: thanhnien.vn) |
Vovworld-សេចក្តីថ្លែងការណ៍ក្រុងហាណូយបានអះអាងនូវឆន្ទះយ៉ាងខ្លាំងក្លារបស់
IPU គឺយកប្រជាជនជាស្នូល ដោយផ្អែកទៅលើការអនុវត្តសិទ្ធិមនុស្សទាំងអស់ សន្យា
បង្កើនតួនាទីជាតិក្នុងការអនុវត្តគោលដៅអភិវឌ្ឍន៍ដ៏ចីរភាព។
សេចក្តីថ្លែងការណ៍ក្រុងហាណូយត្រូវបាននាំចេញក្នុងកាលៈទេសៈពិភពលោក
កំពុងបូកសរុបការអនុវត្តគោលដៅសហសវត្សនិងត្រៀមរៀបចំសេចក្តីសំរេចចិត្តអំពី
កម្មវិធីអភិវឌ្ឍន៍ថ្មីក្រោយឆ្នាំ២០១៥ ដែលគ្រោងដាក់ជូនសន្និសីទកំពូល
នៃមហាសន្និបាតអង្គការសហប្រជាជាតិនាខែកញ្ញាឆ្នាំនេះ
ធ្វើជាមូលដ្ឋានសំរាប់ការលើកសំណើររាល់គោលដៅអភិវឌ្ឍន៍ដ៏ចីរភាពថ្មីនៃសហគ
មន៍អន្តរជាតិ។
 |
| ប្រធានរដ្ឋសភាវៀតណាម លោក Nguyen Sinh Hung (Image: VNA) |
ពាក្យសម្ដីនិងទង្វើស្របគ្នា
អាចអះអាងថា សេចក្តីថ្លែងការណ៍ក្រុងហាណូយបានគូសសម្គាល់និន្ននាការ
ថ្មីក្នុងសកម្មភាពរបស់ IPU។ នោះគឺយកចិត្តទុកដាក់ដល់ការស្វែងរកដំណោះ
ស្រាយសក្តិសិទ្ធដើម្បីប្រែក្លាយកិច្ចសន្យាទៅជាសកម្មភាពជាក់ស្ដែង។ ប្រការ
នេះត្រូវបានអ្នកប្រមុខអង្គការ IPU លោក Saber Choudhury អះអាងដូច្នេះ។
“នៅបណ្ដាមហាសន្និបាតមុននេះ យើងខ្ញុំទើបនិយាយដល់បញ្ហានិងផែនការ
គួបផ្សំតែប៉ុណ្ណោះទេ។ ប៉ុន្តែនៅសម័យប្រជុំលើកនេះនៅក្រុងហាណូយយើងខ្ញុំប្រមូលផ្ដុំ
ទៅលើដំណោះស្រាយអនុវត្តមិនត្រឹមតែលើកឡើងបញ្ហាប៉ុណ្ណោះទេ។ ខ្ញុំចាត់ទុកថា
សេចក្តីថ្លែងការណ៍ក្រុងហាណូយជារបត់កត់សម្គាល់ការផ្លាស់ប្តូរអំពិការយល់ដឹង
ជាបេតិកភ័ណ្ឌរបស់ IPU ជាការរួមចំណែករបស់វៀតណាមសំរាប់ពិភពលោកទាំងមូល។”
ជាក់ស្ដែងគឺរហុតក្នុងសម័យប្រជុំ គោលដៅអភិវឌ្ឍន៍ដ៏ចីរភាព-ប្រែក្លាយ
ពាក្យសម្ដីទៅជាសកម្មភាព ជាប្រធានបទដោយវៀតណាមលើកឡើងជា
ប្រធានបទសំខាន់កំណត់ឲ្យការពិភាគ្សាទាំងអស់របស់ IPU។ ការអភិវឌ្ឍន៍
ដ៏ចីរភាពជាបំណងប្រាថ្នារបស់ប្រទេសទាំងអស់។ ជាពិសេសពិភពលោក
មិនអាចអភិវឌ្ឍន៍ដ៏ចីរភាពប្រសិនបើគ្មានសន្តិភាពសមភាពរវាងបណ្ដា
ប្រទេស មិនគោរពច្បាប់អន្តរជាតិឡើយ។ ប្រការនេះក៏ត្រូវបានអះអាងដ៏
ច្បាស់លាស់ក្នុងសេចក្តីថ្លែងការណ៍ហាណូយ។ សមាជិកសភាពហូឡង់
លោក Hans Franken បានចាត់ទុកថា៖
“សិទ្ធិស្វ័យសំរេចរបស់បណ្ដាប្រជាជាតិគឺសំខាន់ណាស់។ ប្រជាជាតិ
នីមួយៗសុទ្ធតែមានសិទ្ធិស្វ័យសំរេចជោគវាសនារបស់ខ្លួន បើធ្វើផ្ទុយគឺរំ
លោភទៅលើសិទ្ធិមនុស្ស។ ច្បាប់អន្តរជាតិជានិច្ចកាលជាមូលដ្ឋានសំខាន់
ដើម្បីដោះស្រាយជមលោះដែនដីរវាងប្រទេសនានា។ បណ្ដាប្រទេសត្រូវ
គោរពនិងធ្វើតាមអនុសញ្ញាអន្តរជាតិ។”
 |
| បណ្ដាសមាជិកសមាជិការសភានៅមហាសន្និបាត IPU លើកទី ១៣២ (Image: VOV) |
ឆ្ពោះទៅគោលដៅអភិវឌ្ឍន៍ដ៏ចីរភាព
ឆ្នាំ២០១៥ជាដំណាក់កាល IPU កំពុងជំរុញកម្មវិធីសកម្មភាពរបស់ខ្លួន
ឲ្យសមស្របនឹងកម្មវិធីសកម្មភាពដែលអង្គការសហប្រជាជាតិដាក់ចេញ
ក្នុងអំឡុង១៥ឆ្នាំខាងមុខ។ រាល់លទ្ធផលសំខាន់បំផុតនៃមហាសន្និបាតបាន
បង្ហាញតាមរយៈសេចក្តីថ្លែងការណ៍ហាណូយ គឺជាឯកសារមួយបង្ហាញ
បំណងនិងកិច្ចសន្យារបស់ IPU និងសភាជាសមាជិកនានាក្នុងការកសាង
និងជំរុញអនុវត្តគោលដៅអភិវឌ្ឍន៍ដ៏ចីរភាព SDGs ដែលអង្គការសហប្រជា
ជាតិកំពុងកសាងដល់ឆ្នាំ២០៣០។ សេចក្តីថ្លែងការណ៍ហាណូយនឹងបាន
ផ្ញើរជូនសន្និសីទកំពូលនៃមហាសន្និបាតអង្គការសហប្រជាជាតិនាខែកញ្ញា
ខាងមុខ។ លោកស្រី Annette King សមាជិការសភាណូវែលហ្សេឡង់បាន
សង្កត់ធ្ងន់ថា៖
“ខ្ញុំចាត់ទុកថា នេះជាជំហានចាប់ផ្ដើមដើម្បីខំប្រឹងប្រែងសំរាប់គោល
ដៅអភិវឌ្ឍន៍ដ៏ចីរភាព។ សេចក្តីថ្លែងការណ៍ហាណូយជាលទ្ធផលនៃការ
ធ្វើការម៉ត់ចត់របស់សមាជិកសភាមកពីរដ្ឋសភាជាសមាជិកជាង១០០
ប្រទេស ទទួលបានការយល់ដឹងរួមអំពីការអភិវឌ្ឍន៍ដ៏ចីរភាព។”
សេចក្តីថ្លែងការណ៍ហាណូយដោយមានខ្លឹមសារកិច្ចសន្យាសកម្មភាព
សមស្របទាំងស្រុងនឹងបំណងនិងគោលមាគ៌ាអភិវឌ្ឍន៍របស់វៀតណាម។
ក្រោយរយៈពេល៣៦ឆ្នាំចូលរួមសហភាពអន្តរសភាពិភពលោក IPU ជា
លើកដំបូងដែលវៀតណាមក្លាយទៅជាប្រទេសម្ចាស់ផ្ទះដើម្បីស្វាគមន៍
អ្នកនិតិបញ្ញត្តិនិងជាតំណាងរបស់ប្រជាជននៅគ្រប់ទ្វីបលើពិភពលោក។
ក្នុងចរន្តហូរនៃពិភពលោកផុលផុសមួយព្រឹត្តិការណ៍ការទូតដ៏ធំធេង
ប្រមូលផ្ដុំសមាជិកសភាមកពីបណ្ដារដ្ឋសភាជាសមាជិកដើម្បីឆ្ពោះទៅ
ប្រធានបទរួមមួយនិងទទួលបានលទ្ធផលដូចនឹងបំណងជាជោគជ័យដ៏
ធំធេង បើកចេញកំណាត់ផ្លូវថ្មីនៃអង្គការសហភាពអន្តរសភាធំបំផុត
លើពិភពលោកនេះ៕