នាយករដ្ឋមន្ត្រីអ៊ីរ៉ាក់ Nouri al Maliki កំពុងបំពេញទស្សនកិច្ចនៅអាមេរិក (rudaw)

        Vovworld-ស្វែងរកដំណោះស្រាយមួយដោយការគាំទ្រពីសម្ព័ន្ធមិត្ត

ថ្លែងមតិជាមួយមជ្ឈដ្ឋានអ្នកសារព័ត៌មានមុនពេលចេញដំណើរទៅបំពេញ​ទស្សនកិច្ចនៅអាមេរិកនោះ នាយករដ្ឋមន្ត្រី Nouri al Maliki បានអះអាងថា​កំលាំង
al-Qaeda កំពុងដំណើរការយុទ្ធនាការភេរវកម្មមួយប្រឆាំងនឹងប្រជាជនអ៊ីរ៉ាក់និង​លោកមិនចង់ឲ្យប្រទេសលោកក្លាយទៅជាមូលដ្ឋានរបស់ក្រុមភេរវកម្មនេះទេ។ ដោយហេតុនេះបណ្ដាការជួយឧបត្ថម្ភយោធារបស់អាមេរិកដូចជាយន្តហោះអាវុធ
និងបរិក្ខាសឹកជាការចាំបាច់ដើម្បីប្រឆាំងនឹងលិទ្ធិភេរវកម្មនិងការបោសសំអាត
បណ្ដាក្រុមប្រដាប់​អាវុធ។​​ លោកនឹងលើកឡើងសំណើរនេះក្នុងការជួបសន្ទនា
ជាមួយប្រធានាធិបតី​អាមេរិកលោក Barack Obama។

        ក៏ប៉ុន្តែ គំនិតរបស់លោក Nouri al Maliki បានជួបប្រទះនឹងការប្រឆាំងជំទាស់
របស់​ព្រឹទ្ធសមាជិកអាមេរិកជាច្រើនរូប។ បណ្ដាព្រឹទ្ធសមាជិកមានកេរ៌្តឈ្មោះ ក្នុង
នោះមាន​លោក John McCain, Carl Levin និង Lindsey Graham បានផ្ញើលិខិតជូន​
ប្រធានាធិបតី Barack Obama ដោយថ្លែងថា​គេព្រួយបារម្មណ៍អំពីស្ថានភាពដែល
កំពុង​អាក្រក់​ទៅៗនៅអ៊ីរ៉ាក់។​ តាមបណ្ដាព្រឹទ្ធសមាជិកនេះថា ការដឹកនាំរបស់
លោក Nouri al Maliki កំពុងបណ្ដាលឲ្យមានការបែងចែកប្រជាជាតិនៅអ៊ីរ៉ាក់ រួម
ចំណែកធ្វើអំពើ​ហឹង្សាកាន់តែខ្លាំងឡើង។ ដោយហេតុនេះ ការបំពេញបន្ថែម
បរិក្ខាសឹកសំរាប់អ៊ីរ៉ាក់គឺមិនខុសពីការចាក់​បន្ថែមប្រេងចូលក្នុងភ្លើងនិងមិនអាច
ដោះស្រាយស្ថានភាពអស្ថិរភាពនាបច្ចុប្បន្ននៅប្រទេសនេះឡើយ។

        តាមពិត នៅអ៊ីរ៉ាក់ ជំលោះបង្ហូរឈាមគួរឲ្យព្រួយបារម្មណ៍ពីមួយថ្ងៃ​ទៅមួយ
ថ្ងៃ។ តាមក្រុមអធិការនៃអង្គការសហប្រជាជាតិប្រចាំនៅអ៊ីរ៉ាក់ឲ្យដឹងថា តាំងពី
ដើមឆ្នាំ២០១៣មកមានជនស៊ីវិលប្រមាណ៦ពាន់នាក់ត្រូវស្លាប់និង១ម៉ឺន៤ពាន់
នាក់រងរបួសដោយសារផលវិបាកនៃការវាយប្រហារដោយគ្រាប់បែកនៅប្រទេស
នេះ។ គួរឲ្យព្រួយបារម្មណ៍ជាងនេះទៀតនោះគឺជំលោះរវាងរដ្ឋាភិបាលរបស់
នាយករដ្ឋមន្ត្រី Nouri al Maliki ដោយជនឥស្លាម Shiite ស្រូបយកភាគច្រើននិង
ក្រុមជនជាតិភាគតិច Sunni ធ្វើឲ្យប្រជាជនចាប់ផ្ដើមងាកមកគាំទ្របណ្ដាក្រុម
ប្រដាប់អាវុធជ្រុល​និយមមានទំនាក់ទំនងជាមួយអង្គការភេរវកម្ម al Qaeda។

         ពិបាកនាំមកស្ថិរភាពនយោបាយ

         ចំពោះមុខស្ថានភាពពោលខាងលើ រដ្ឋាភិបាលអ៊ីរ៉ាក់បានដំណើរការ​
យុទ្ធនាការ​បោសសំអាតពួកឧទ្ទាមមានទ្រង់ទ្រាយធំ បង្កើនកំណែនទាហានថ្មី
ដើម្បីពង្រឹងកំលាំងប្រឆាំងជនប្រដាប់អាវុធ al Qaeda អនុវត្តបទ​បំរាមគោចរ។ ប៉ុន្តែប្រការនេះគឺមិនទាន់គ្រប់គ្រាន់ឡើយ។ ដើម្បីបញ្ឈប់ស្ថានភាព​អំពើ​ហឹង្សា
ឡើងជណ្ដើរ រដ្ឋអំណាចអ៊ីរ៉ាក់ត្រូវមានជំហានយូរអង្វែងជាង​ពីព្រោះថា​ចរិត
លក្ខណៈនៃរលកអំពើហឹង្សានាបច្ចុប្បន្ននៅអ៊ីរ៉ាក់គឺជំលោះរវាងបណ្ដា​សហគមន៍
ជាតិសាសន៍ដែលកាន់តែធ្ងន់ធ្ងរពីមួយថ្ងៃទៅមួយថ្ងៃក្រោយពីការជ្រៀតជ្រែក
នយោបាយរបស់អាមេរិកនាឆ្នាំ២០០៣មក។ ក្នុងកាលៈទេសៈនេះ ប្រការគួរ​ធ្វើ
របស់នាយករដ្ឋមន្ត្រី Nouri al Maliki គឺប្រមូលផ្ដុំក្នុងការកែលំអរតួនាទីសំរាប់​ជន
ឥស្លាម Sunni ក៏ដូចជារកឃើញដំណោះស្រាយចែករំលែកសិទ្ធិអំណាចរវាង​បណ្ដាក្រុមជាតិសាសន៍និងសាសនាជំនួសដោយបង្កើនការបំពាក់អាវុធ។

         អំពើហឹង្សានៅអ៊ីរ៉ាក់គឺដោយសារអស្ថិរភាពអំពីនយោបាយ ជំលោះសិទ្ធិ​
ប្រយោជន៍​ជាតិសាសន៍។ ​ដើម្បីស្ថិរភាពស្ថានភាពនយោបាយនាបច្ចុប្បន្ន ការ​
បំពាក់​​បន្ថែមអាវុធជាប្រការគ្រោះថ្នាក់ ត្រឹមតែធ្វើឲ្យប្រទេសនៅមជ្ឈឹមបូព៌ានេះ
បន្ត​ជ្រួលច្របល់តែប៉ុណ្ណោះ។ ដូច្នេះប្រហែលជាគោលដៅមួយក្នុងចំណោម​គោលដៅរបស់នាយករដ្ឋមន្ត្រីអ៊ីរ៉ាក់ទៅអាមេរិកលើកនេះគឺមិនជាក់ស្ដែងក្នុង
ការ​ជួយអ៊ីរ៉ាក់រួចផុតពីអំពើហឹង្សាឡើយ៕