១០០ថ្ងៃកាន់អំណាចរបស់ប្រធានាធិបតីបារាំង Francois Hollande គ្មានភាពផ្អែមល្ហែម។
VOV -  
(VOV) /  
|
១០០ថ្ងៃកាន់អំណាចរបស់ប្រធានាធិបតីបារាំង Francois Hollande គ្មានភាពផ្អែមល្ហែម។ |
VOV-មុនបង្អស់អាចអះអាងថា ក្នុងរយៈពេល៣ខែកន្លងទៅ ប្រធានាធិបតីរបស់គណៈបក្សសង្គម Francois Hollande បានរួមជាមួយរដ្ឋាភិបាលថ្មីអនុវត្តភ្លាមៗបណ្ដាគោលនយោបាយដែលលោកបានសន្យាក្នុងការប្រជែងសម្លេង
ឆ្នោត។ ក្នុងខែឧសភា ត្រឹមតែ២សប្ដាហ៍ក្រោយពេលបានជ្រើសតាំងប្រធានាធិបតី ថ្មីរបស់គណៈបក្សសង្គមបានឲ្យអនុវត្តការកាត់បន្ថយ៣០%នៃប្រាក់ខែរបស់បណ្ដា
រដ្ឋមន្ត្រីក្នុងរដ្ឋាភិបាល ចុះហត្ថលេខាលើឯកសារមួយអំពីបែបបទសកម្មភាពកាតព្វកិច្ច របស់រដ្ឋាភិបាល ប្រកាសដកកងទ័ពបារាំងចេញពីអាហ្វហ្គានីស្ថានជាដើម។ ដល់ខែ មិថុនានិងខែកក្កដា ក្រោយពេលភាគីឆ្វេងនិយមដណ្ដើមបានជ័យជំនះក្នុងការបោះ
ឆ្នោតនិតិបញ្ញាត្តិ រដ្ឋាភិបាលរបស់លោក Hollande បានអនុវត្តបន្ថែមគោលនយោបាយ ថ្មីជាច្រើនគួរឲ្យយកចិត្តទុកដាក់គឺបង្កើនប្រាក់ខែ ស្ដារអាយុចូលនិវត្តគឺ៦០ឆ្នាំក្នុង មុខរបរមួយចំនួនជាដើម។ នាថ្ងៃទី១សីហាកន្លងទៅ រដ្ឋាភិបាលរបស់លោក
Hollande បានចេញសេចក្តីសំរេចសំខាន់មានអត្ថន័យនិមិត្តសញ្ញាដ៏ខ្ពស់និងត្រូវបាន ប្រជាជនបារាំងរង់ចាំគឺកាត់បន្ថយប្រាក់ខែប្រមាណ៣០%របស់ប្រធានាធិបតីនិង
នាយករដ្ឋមន្ត្រី។
រាល់ការខំប្រឹងប្រែងរបស់លោក Hollande និងរដ្ឋាភិបាលថ្មីត្រូវបានប្រជាជន
វាយតំលៃខ្ពស់។ ជាពិសេស លោក Hollande បានបង្ហាញរូបភាពប្រធានាធិបតីសាមញ្ញម្នាក់ផ្ទុយនឹងរបៀបរស់នៅរបស់ប្រធានាធិបតីអាណាត្តិមុន លោក Sakozy។ ទន្ទឹមនឹងរាល់គោលនយោបាយដែលបានអនុវត្តនោះ មានប្រការជាច្រើនដែល ប្រជាជនរងចាំប៉ុន្តែរដ្ឋាភិបាលថ្មីមិនទាន់ធ្វើបាន។ ការអរិចិត្តបំផុតក្នុងសាធារណៈមតិ បារាំងក្នុងរយៈពេលកន្លងទៅគឺការបណ្ដេញពលករជាច្រើននាក់នៅសម្ព័ន្ធក្រុមហ៊ុនធំៗ
ជាច្រើនរបស់បារាំង ពិសេសគឺ Peugeot Citroen បានប្រកាសកាត់បន្ថយពលករប្រមាណ ៨ពាន់នាក់។ រដ្ឋាភិបាលរបស់លោក Hollandeត្រូវរិះគន់គឺយឺតយាវនិងអសកម្មក្នុងការ ជ្រៀតជ្រែកចូលបណ្ដាផែនការកាត់បន្ថយពលករនោះ។ ស្ថានភាពសន្តិសុខអស្ថិរភាព បានបង្កើននៅកន្លែងមួយចំនួនរបស់បារាំងក៏ធ្វើឲ្យរដ្ឋាភិបាលរបស់គណៈបក្សសង្គម ត្រូវទ្រាំទ្រការរិះគន់របស់សាធារណៈមតិ។
ប៉ុន្តែសាធារណៈមតិចាត់ទុកថាផ្លូវរបស់ប្រធានាធិបតី Francois Hollande ទើបនឹងបានចាប់ផ្ដើមនិងនៅចំពោះមុខគឺនៅវែងឆ្ងាយនិងពេញទៅដោយការលំបាក។
បញ្ជីឈ្មោះបណ្ដាការងារដែលលោកនិងរដ្ឋាភិបាលរបស់លោកត្រូវអនុវត្តគឺច្រើន។
ដើមដំបូងគឺក្នុងរយៈពេល៣ខែខាងមុខត្រូវទប់ស្កាត់ការដំឡើងថ្លៃប្រេងស៊ាំង អនុវត្ត
ហូតពន្ធ៧៥%ដូចជាលោកបានសន្យាទៅលើបណ្ដាមុខសញ្ញាមានចំណូលជាង១
លាន Euro ក្នុងមួយឆ្នាំ ជំរុញការងារធ្វើនិងឱកាសមានផ្ទះនៅចំពោះយុវជន។ កែលំអរសន្តិសុខក៏ជាអាទិភាពធំមួយដែលរដ្ឋាភិបាលរបស់លោក Francois Hollande ត្រូវយក ចិត្តទុកដាក់ដែរ។ ប៉ុន្តែមុនបង្អស់ ការសាកល្បងធំបំផុតចំពោះលោក Hollande គឺ ទន្ទឹមនឹងរូបភាពប្រធានាធិបតីសាមញ្ញធម្មតានោះលោកត្រូវបង្ហាញនូវសម័ត្ថភាព ដឹកនាំខ្លាំងក្លាជាង។ ទន្ទឹមនឹងរូបភាពរបស់ខ្លួននោះ ប្រធានាធិបតី Francois Hollande ត្រូវលើកកំពស់រូបភាពរបស់ប្រទេសបារាំង ដើម្បីស្ដារប្រទេសបារាំងខ្លាំងមួយក្នុង
សហភាពអឺរុប ប្រគួតប្រជែងជាមួយរូបភាពប្រទេសអាល្លឺម៉ង់ដែលកំពុងបាន ស្ងើចសរសើរនៅទ្វិបអឺរុបដោយសារបានឈររឹងមាំក្នុងវិប័ត្តសេដ្ឋកិច្ច-ហិរញ្ញវត្ថុ។
រយៈពេល១០០ថ្ងៃកាន់អំណាចរបស់លោក Hollande បានកន្លងផុត ក្រឡេក
មើលឡើងវិញ ការលំបាកគឺមិនតិចប៉ុន្តែប្រជាជនបារាំងកំពុងទទួលស្គាល់វាយតំលៃសកម្មរាល់ការងារដែលអ្នកដឹកនាំរបស់វិមាន Elysse កំពុងបង្ហាញតាមកិច្ចសន្យារបស់ខ្លួនចំពោះអ្នកបោះឆ្នោត។ កំណាត់ផ្លូវថ្មីនៅចំពោះមុខនៅមានការ
លំបាកជាច្រើន ពិសេសគឺខឿនសេដ្ឋកិច្ចទ្វិបអឺរុបកំពុងក្នុងដំណាក់កាលលំបាក តើប្រទេសបារាំងអាចឆ្លងផុតពីវិប័ត្តដែររឺទេ? ចំឡើយនៅចំពោះមុខប៉ុន្តែសាធារណៈ
មតិជឿជាក់ថា កំណាត់ផ្លូវនោះនឹងងាយស្រួលជាងក្នុងពេលប្រធានាធិបតី Francois
Hollande កំពុងមានការស្រុះចិត្តគំនិត ជឿទុកចិត្តរបស់ប្រជាជននៃប្រទេសនេះ៕
VOV
-VOV