ប្រព្រឹត្តទៅពីថ្ងៃទី ២៩ ដល់ទី ៣១ កក្កដា ក្រោមប្រធានបទ “ការផ្សាយសម្លេង-ការផ្សព្វផ្សាយសង្គមនិន្នាការអភិវឌ្ឍន៍នាពេលអនាគត” សន្និសីទផ្សាយសម្លេង
ទ្វីបអាស៊ីឆ្នាំ ២០១៣ (Radio​Asia​2013) បានទាក់ទាញការចូលរួមរបស់តំណាងចំនួន ៥
 រយ មកពីប្រទេសចំនួន ២០ លើសកលលោក។

មុនពិធីបើកសន្និសីទ Radio Asia 2013 វិទ្យុសម្លេងវៀតណាម (VOV) សហការ ជាមួយសមាគមផ្សាយសម្លេង-ទូរទស្សន៍អាស៊ី-ប៉ាស៊ីហ្វិក (ABU) បានរៀបចំសិក្ខា សាលាអន្តរជាតិស្តីអំពី “ការផ្សាយសម្លេង digital និងការបង្ហាញបច្ចេកវិទ្យា DAB+”។

នៅខាងក្រៅសិក្ខាសាលា បណ្ដាម៉ាស៊ីនផ្សាយសម្លេងតាមបច្ចេកវិទ្យា DAB+ ត្រូវបាន ដាក់បង្ហាញ ដើម្បីបណ្ដាតំណាងយល់បន្ថែមអំពីការអនុវត្តបច្ចេកវិទ្យាផ្សាយសម្លេង digital ក្នុងជីវភាពរស់នៅទំនើប។

នារសៀលថ្ងៃទី ២៩ កក្កដា សន្និសីទ Radio Asia 2013 បានប្រារព្វឡើងជាផ្លូវការ នៅសណ្ឋគារ Melia ទីក្រុងហាណូយ។

នាយករដ្ឋមន្ត្រីវៀតណាម លោក Nguyen Tan Dung បានចូលរួមនិងថ្លែងមតិក្នុង ឱកាសនេះ។

មានតំណាងចំនួន ៥ រយ រូប​នៅក្នុងនិងក្រៅប្រទេសបានចូលរួមសន្និសីទនេះ។

ប្រទេសចំនួន ២០ ដូចជា អង់គ្លេស អាល្លឺម៉ង់ សឹង្ហបុរី ម៉ាឡេស៊ី ជប៉ុន អ៊ូស្ត្រាលី ជាដើម ក៏បានចូលរួមសន្និសីទនេះដែរ។

ក្នុងក្របខ័ណ្ឌសន្និសីទលើកនេះ មានសម័យប្រជុំជំនាញចំនួន ៩ និងសិក្ខាសាលា មួយចំនួនក៏ត្រូវបានរៀបចំឡើង។

ខ្លឹមសារសំខាន់ដែលបានយោកមកពិភាក្សាក្នុងបណ្ដាកិច្ចប្រជុំប្រមូលផ្តុំទៅលើបញ្ហា ផ្សព្វផ្សាយសង្គម អន្តរគម្មរវាងមហាជនតាមរយៈបណ្ដាញ internet និងឧបករចល័ត តួនាទីនៃបច្ចេកវិទ្យាចំពោះការលើកកំពស់ប្រគួតប្រជែងសំរាប់ផ្នែកផ្សាយសម្លេងក្នុងកាលៈទេសៈថ្មី។

បណ្ដាតំណាងបានចោទសំណួរអំពីការអនុវត្តបច្ចេកវិទ្យាថ្មីនៃបណ្ដាវិទ្យុផ្សាយសម្លេង លើសកលលោក។

ក្នុងពិធីជួបមុខរវាងថ្នាក់ដឹកនាំ VOV ជាមួយបណ្ដាតំណាង នាយប់ថ្ងៃ ទី ៣០ កក្កដា អគ្គលេខាធិការសមាគមផ្សាយសម្លេងអាស៊ី-ប៉ាស្ស៊ីហ្វិក លោក Javad Mottaghi បានជូនការដូរអនុស្សារវរីយ៍ជូនអគ្គនាយកវិទ្យុសម្លេងវៀតណាម (VOV) លោក Nguyen Đang Tien។

ក្នុងក្របខ័ណ្ឌសន្និសីទ បណ្ដាអ្នកយកព័ត៌មាននៃ VOV និងបណ្ដាការសែត វិទ្យុសម្លេង ផ្សេងៗទៀត បានខំប្រឹងប្រែងអស់ពីកំលាំងកាយចិត្តរបស់ខ្លួនដើម្បីបញ្ជូនព័ត៌មាន ឲ្យបានឆាប់បំផុតដល់មហាជន។

សន្និសីទលើកនេះគឺជាឱកាសដើម្បីបណ្ដាវិទ្យុសម្លេងក្នុងតំបន់អាស៊ី-ប៉ាស្ស៊ីហ្វិកផ្លាស់ ប្តូរបទពិសោធន៍ បច្ចេកវិទ្យា និងរបៀបអនុវត្តន៍ដែលខ្លួនកំពុងបំពេញ។

ក្រៅពីនោះ បណ្ដាបុគ្គិលកម្មាភិបាលនៃគណៈកម្មាធិការសហប្រតិបត្តិការអន្តរជាតិ ចំណុះវិទ្យុសម្លេងវៀតណាម រួមជាមួយបណ្ដានិស្សិតស្ម័គ្រចិត្ដមកពីមហាវិទ្យាល័យ ហាណួយ បានរួមចំណែកធ្វើឲ្យជោគជ័យនៃសន្និសីទលើកនេះ ផងដែរ។

នារសៀថ្ងៃទី ៣១ កក្កដា នៅទីស្នាក់ការនៃវិទ្យុសម្លេងវៀតណាម លេខ ៥៨ វិថី Quán Sứ ទីក្រុងហាណូយ អគ្គនាយកវិទ្យុសម្លេងវៀតណាម (VOV) លោក  Nguyen Đang Tien បានទទួលជួបសន្ទនាជាមួយអគ្គលេខាធិការសមាគមផ្សាយសម្លេងអាស៊ី-ប៉ាស្ស៊ីហ្វិក លោក Javad Mottaghi។

ក៏ក្នុងរសៀលថ្ងៃនេះដែរ លោក Nguyen Đang Tien បានទទួលជួបសន្ទនាជាមួយអគ្គ នាយកវិទ្យុសម្លេងជាតិឡាវ លោក Sypha Nonglath។

បន្ទាប់ពីរយៈ ៣ ថ្ងៃធ្វើការ នារសៀថ្ងៃទី ៣១ កក្កដា សន្និសីទផ្សាយសម្លេងទ្វីបអាស៊ីឆ្នាំ ២០១៣ បានបញ្ចប់ជាផ្លូវការ។ ថ្លែងមតិនៅទីនេះ អគ្គលេខាធិការ មជ្ឈមណ្ឌលពត៌មាននិងផ្សព្វផ្សាយទ្វីបអាស៊ី AMIC លោក Martin Hadlow បានវាយតំលៃថា៖ សន្និសីទបានបញ្ចប់ប្រកបដោយជោគជ័យ។ តាមរយៈនោះ បណ្ដាតំណាងបានយល់ដឹងច្បាស់អំពីរបៀបធ្វើការនៃវិទ្យុសម្លេងអន្តរជាតិ ក៏ដូចជា បើកចេញឱកាសសហប្រតិបត្តិការនាពេលអនាគត ផងដែរ៕