 |
| វៀតណាមខំប្រឹងប្រែងទទួលបានគោលដៅកំណើនសេដ្ឋកិច្ចក្នុងឆ្នាំ ២០១៦ (Image: vietnamnet.vn) |
(VOVworld) – ក្នុងឆមាសទី ១ ឆ្នាំ ២០១៦ សេដ្ឋកិច្ចវៀតណាមមាន សញ្ញាវិជ្ជមាន
ម៉ាក្រូសេដ្ឋកិច្ចស្ថិរភាពជាសារវ័ន្ត។ ផលិតផលក្នុងស្រុកសរុប (GDP) កើនឡើង
៥,៥២% ក្នុងរយៈពេល ៦ ខែដើមឆ្នាំ ២០១៦។ ទោះបីជា កំណើន សេដ្ឋកិច្ចទាបជាង
បើប្រៀបនឹងរយៈពេលដូចគ្នានាឆ្នាំ ២០១៥ ក្តី ប៉ុន្តែ សញ្ញាវិជ្ជមានពីកំណើន
ផលិតកម្មឧស្សាហកម្មទំនិញលក់រាយនិងប្រើប្រាស់ក្នុងប្រទេសវៀតណាមនៅ
ដាក់ចេញគោលដៅកំណើនសេដ្ឋកិច្ចខ្ពស់ក្នុងឆ្នាំ ២០១៦ នេះ។
ក្នុងឆមាសទី ១ ឆ្នាំ ២០១៦ នេះ សេដ្ឋកិច្ចវៀតណាមរងឥទ្ធពលពីការធ្លាក់
ចុះកំណើននៃបណ្ដាខឿនសេដ្ឋកិច្ចធំៗលើពិភពលោក។ ក្រៅពីនោះ វៀតណាម
ក៏រងឥទ្ធិពលពីផលវិបាកដោយគ្រោះធម្មជាតិធ្ងន់ធ្ងរបំផុតក្នុងអំឡុង ១០០
ឆ្នាំកន្លង ទៅផងដែរ។ នេះគឺជាមូលហេតុស្នូលដែលធ្វើឲ្យសេដ្ឋកិច្ចក្នុងរយៈពេល
៦ ខែដើមឆ្នាំនេះ ទទួលបានកំណើននៅកំរិត ៥,៥២% តែប៉ុណ្ណោះ។ បណ្ឌិត
Nguyen Xuan Thanh នាយកកម្មវិធីបង្រៀនសេដ្ឋកិច្ច Fullbright បានចាត់ទុក
ថា៖
«នាចុងឆ្នាំ ២០១៥ វៀតណាមបានអាចមានសុទិដ្ឋិនិយមចំពោះការស្តារ
ឡើងវិញនៃកំណើនសេដ្ឋកិច្ច ប៉ុន្តែ នាឆមាសទី ១ ឆ្នាំ ២០១៦ នេះ សេដ្ឋកិច្ច
សកលមានកំណើនយឺតយាវ។ ក្នុងប្រទេស កសិកម្មជួបការលំបាកជាច្រើនដែល
មិនអាចមានកំណើនក្នុងឆ្នាំនេះទេ។ ដោយឈរលើមូលដ្ឋាននេះ ទោះបីជា
រដ្ឋាភិបាលខំប្រឹងប្រែងអស់ពីកំលាំងកាយចិត្តដើម្បីកែលំអស្ថានភាពក្តី ប៉ុន្តែ
ពិបាកទទួលបានគោលដៅកំណើនសេដ្ឋកិច្ចដែលបានដាក់ចេញ។»
ប៉ុន្តែ សន្ទស្សន៍តំលៃប្រើប្រាស់ CPI ក្នុងប្រទេសនាឆមាសដើមឆ្នាំ ២០១៦
កន្លងទៅទទួលបាន ១,៧% ខ្ពស់ជាងបើប្រៀបនឹងរយៈពេលរដូចគ្នានាឆ្នាំ
២០១៥ ។ ជាពិសស សន្ទស្សន៍ផលិតឧស្សាហកម្ម (IIP) នៃផ្នែកឧស្សាហកម្មកែ
ច្នៃមាន កំណើនយ៉ាងខ្លាំងក្លាគឺជាង ១០%។ តំលៃប្រាក់លក់រាយទំនិញនិង
សេវ៉ាកម្មប្រើ ប្រាស់សង្គមកើនឡើងដល់ ៩,៥%។ នាចុងឆ្នាំ ២០១៦ វៀតណាម
នឹងចូលរួមដ៏ ពេញលេញបណ្ដាកិច្ចព្រមព្រៀងពាណិជ្ជកម្មសេរី ទីផ្សារនាំចេញ
នឹងត្រូវបានបើក ទូលាយ តំលៃប្រាក់នាំចេញមានឱកាសបង្កើនកំណើន
ជាពិសេសគឺកសិផល ជលផល។ ក្រសួងឧស្សាហពាណិជ្ជកម្មវៀតណាមព្យាករណ៍
ថា៖ កំណើននៃការ នាំចេញទទួលបាន ៨,៥%។ ចំណុចលេចធ្លោនាឆមាសទី
១ ឆ្នាំ ២០១៦ នៃខឿនសេដ្ឋកិច្ចវៀតណាមគឺការទាក់ទាញប្រភពទុនវិនិយោគ
ពីបរទេស (FDI) ទទួលបាន ៧ ពាន់ ២ រយលានដុល្លាអាមេរិក កើនឡើង
១៥% បើប្រៀបនឹង រយៈពេលដូចគ្នានាឆ្នាំទៅមិញ។ នេះគឺជាសញ្ញាវិជ្ជមាន
ដែលសរឲ្យឃើញនូវ កំណើនសេដ្ឋកិច្ចរបស់វៀតណាមនាបណ្ដាខែចុងឆ្នាំ ២០១៦។
តាមបណ្ឌិត Nguyen Duc Thanh ប្រធានវិទ្យាស្ថានស្រាវជ្រាវសេដ្ឋកិច្ចនិង
គោលនយោបាយវៀតណាមថា៖ ដើម្បីសម្រេចបានគោលដៅកំណើនក្នុងឆ្នាំនេះ
ត្រូវមានការខំប្រឹងប្រែងដ៏ធំធេងពីរដ្ឋាភិបាល ក្រសួងស្ថាប័ននានានិងមជ្ឈដ្ឋាន
អាជីវករ។ លោកបានចាត់ទុកថា៖
«គ្រឹះស្ថានថ្មីគឺគោលនយោបាយ ការអនុវត្តគោលនយោបាយនិងការ
បង្កើតឡើងក្បាលម៉ាស៊ីន យន្តការ ដើម្បីកំណត់គោលនយោបាយនិងអនុវត្ត
គោលនយោបាយនេះប្រកបដោយប្រសិទ្ធភាព។ ក្នុងគោលនយោបាយនេះគប្បី
រក្សាបានក្របខ័ណ្ឌច្បាប់ល្អ ព្រមទាំង បង្កើតឡើងបរិយាកាសប្រកួតប្រជែង
សំរាប់សហគ្រាស។ ក្រៅពីនោះ យើងគប្បីមានក្រុមប្រឹក្សារប្រកួតប្រជែងមួយ
ដើម្បីទប់ស្កាត់និន្នាការផ្តាច់មុខ ឬ និន្នាការតភ្ជាប់តាមរយៈទំនាក់ទំនង
ឯកជន។ ទីពីរគឺការអនុវត្តកំណែទម្រង់ផ្សេងៗទៀត ដូចជា គុណភាពប្រភព
ធនធាន មនុស្ស។»
ថ្លែងមតិនៅសម័យប្រជុំប្រចាំខែរដ្ឋាភិបាលវៀតណាមនាខែមិថុនាកន្លង
ទៅ ស្តីពីវិធានការជំរុញការអភិវឌ្ឍន៍សេដ្ឋកិច្ចសង្គមនាឆមាសទី ២ ឆ្នាំ ២០១៦
នាយករដ្ឋមន្ត្រីវៀតណាម លោក Nguyen Xuan Phuc បានសង្កត់ធ្ងន់ថា៖
«ទី ១ គឺការកែលំអរបរិយាកាសធ្វើអាជីវកម្ម បណ្ដាក្រសួងស្ថាប័នអនុវត្តល្អ
សេចក្តីសម្រេចចិត្តរបស់រដ្ឋាភិបាល។ ទី ២ គឺការជំរុញយ៉ាងខ្លាំងការរំដោះទុន
វិនិយោគប្រមូលផ្តុំជួយឧបត្ថម្ភប្រជាកសិករស្តារផលិតកម្មកសិកម្មឡើងវិញ
ជាពិសេសនៅតំបន់វាលទំនាបទន្លេ Cuu Long តំបន់ប៉ែកខាងត្បូងភាគ
កណ្ដាលវៀតណាមនិងតំបន់ Tay Nguyen។ ទន្ទឹមនឹងនោះ ឆ្លៀតឱកាសបើក
ទូលាយទីផ្សារនាំ ចេញនិងទីផ្សារប្រើប្រើប្រាស់ក្នុងប្រទេស។»
រួមជាមួយគ្នានោះ រដ្ឋាភិបាលវៀតណាមស្នើឲ្យក្រសួងស្ថាប័នទាក់ទិននានា
គប្បីមានគោលនយោបាយវាងវៃក្នុងការអភិវឌ្ឍន៍សេដ្ឋកិច្ចសង្គម ស្ថិរភាព
ហិរញ្ញវត្ថុនិងការរាំងស្កាត់អតិផរណា។ ចំពោះសហគ្រាស គប្បីឆ្លៀតយកឱកាស
ក្នុងការធ្វើសមាហរណកម្មនិងកិច្ចព្រមព្រៀងពាណិជ្ជកម្មសេរី ព្រមទាំង
កសាង យុទ្ធសាស្ត្រលើកកំពស់ទិន្នផល សមត្ថភាពប្រកួតប្រជែងនិងជំរុញ
ការនាំចេញ ផងដែរ៕