(ພາບປະກອບ)
(vovworld) - ວັນທີ 27/01 ເວັບໄຊ “Bloomberg News” ຖືວ່າ: ກອງປະຊຸມໃຫຍ່ທົ່ວປະເທດຄັ້ງທີ 12 ຂອງພັກກອມມູນິດ ຫວຽດນາມ ແມ່ນໂອກາດ ເພື່ອໃຫ້ບັນດາຜູ້ແທນເລືອກຕັ້ງການນຳລຸ້ນໃໝ່. ບັນດາການນຳ ຫວຽດນາມ ລ້ວນແຕ່ມີເປົ້າໝາຍລວມ ແມ່ນເຮັດແນວໃດ ເພື່ອໜູນໃຊ້ບັນດາກາລະໂອກາດ ແລະ ເງື່ອນໄຂສະດວກ ເພື່ອນຳປະເທດຊາດພັດທະນາກ້າວຂຶ້ນຢ່າງວ່ອງໄວ. ສິ່ງດັ່ງກ່າວ ມີຄວາມໝາຍສຳຄັນ ເມື່ອພື້ນຖານເສດຖະກິດ ຫວຽດນາມ ຍັງບໍ່ທັນເຕີບໂຕແບບຍືນຍົງຢ່າງແທ້ຈິງ, ເຄີຍມີຜົນກະທົບຈາກຫລາຍປັດໃຈ, ພິເສດແມ່ນການເຄື່ອນໄຫວຂອງວົງການນັກລົງທຶນ. ຕາມເວັບໄຊນີ້, ດ້ວຍຕະຫລາດພວມພັດທະນາທີ່ເຕັມໄປດ້ວຍຄວາມໝັ້ນໝາຍນັ້ນ, ປະຈຸບັນ ຫວຽດນາມ ແມ່ນໜຶ່ງໃນບັນດາສະຖານທີ່ສ້າງຄວາມດິງດູດວົງການວິສາຫະກິດຕ່າງປະເທດ ດ້ວຍພົນລະເມືອງປະມານ 90 ລ້ານຄົນນັ້ນ ຫວຽດນາມ ຈະກາຍເປັນປະເທດວັດທະນາຖາວອນໃນອະນາຄົດຢ່າງແນ່ນອນ. ຕາມ “Bloomberg News” ແລ້ວ, ປັດໃຈເປັນແກ່ນສານ ເພື່ອຫັນບັນດາທ່າໄດ້ປຽບນີ້ ໃຫ້ປະກົດຜົນເປັນຈິງ ແມ່ນເພີ່ມທະວີການໜູນຊ່ວຍບັນດາຂະແໜງອຸດສາຫະກຳ ດ້ວຍວິທີຫັນລະບົບພາສີເປັນງາຍດາຍ, ລົງທຶນເຂົ້າຂົງເຂດການສຶກສາ ແລະ ຕໍ່ສູ້ປ້ອງກັນ ຕ້ານການສໍ້ລາດບັງຫລວງ.