ທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ ກ່າວຄ່ຳເຫັນທີ່ງານພົບປະ (ພາບ: qdnd.vn)

ກ່າວຄຳເຫັນນະທີ່ນີ້, ທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ຢັ້ງຢືນວ່າ ເລື່ອງທະຫານອາສາສະໝັກ ແລະ ນັກຊ່ຽວຊານ ຫວຽດນາມ ທີ່ເຄື່ອນໄຫວຢູ່ດິນແດນລາວນັ້ນ ເປັນສັນຍາລັກອັນຈົບງາມ, ຮັດແໜ້ນນ້ຳໃຈສາມັກຄີ, ຮ່ວມສຳພັນສູ້ຮົບແບບພິເສດລະຫວ່າງ ຫວຽດນາມ  - ລາວ. ບັນດາວິລະກຳ, ຜົນງານ ແລະ ການເສຍສະຫຼະຂອງທະຫານອາສາສະໝັກ ແລະ ນັກຊ່ຽວຊານ ຫວຽດນາມ ເປັນອາລົມຈິດຄວາມຮັກແພງໄດ້ຝັງເລິກໃນດວງໃຈປະຊາຊົນ ລາວ ບັນດາເຜົ່າ ຄືດັ່ງຄຳຍ້ອງຍໍສັນລະເສີນຂອງການນຳພັກ, ລັດ ແລະ ປະຊາຊົນລາວ ທີ່ວ່າ: “ຢູ່ດິນແດນລາວ, ທຸກໄຊຊະນະໃດ ກໍ່ລ້ວນແຕ່ມີການເສຍສະຫຼະ, ປະກອບສ່ວນຂອງທະຫານອາສາສະໝັກຫວຽດນາມ.” 

ທ່ານພົນເອກ ຈັນສະໝອນ ຈັນຍະລາດ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ລາວ (ພາບ: qdnd.vn)

        ກ່າວຄຳເຫັນໃນການພົບປະ, ທ່ານພົນເອກ ຈັນສະໝອນ ຈັນຍະລາດ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ລາວ ໄດ້ຢັ້ງຢືນວ່າ ພັກ, ລັດ ແລະ ປະຊາຊົນ ລາວ ຂໍສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ພັກ, ລັດ, ກອງທັບ ແລະ ປະຊາຊົນ ຫວຽດນາມ ເວົ້າລວມ, ທະຫານອາສາສະໝັກ ແລະ ນັກຊ່ຽວຊານ ຫວຽດນາມ ເວົ້າສະເພາະ ທີ່ໄດ້ພ້ອມກັນຮ່ວມທຸກຮ່ວມສຸກກັບກອງທັບ ແລະ ປະຊາຊົນ ລາວ, ເສຍສະຫຼະເລືອດເນື້ອຂອງຕົນເພື່ອເຮັດລ້ອນໜ້າທີ່ສາກົນຢູ່ ລາວ ໃນໄລຍະນັບສິບປີ. ທ່ານກໍໄດ້ຢັ້ງຢືນວ່າ  ບໍ່ວ່າ ໃນໄລຍະເວລາ, ສະພາບການໃດ, ພັກ, ລັດຖະບານ, ບັນດາກຳລັງປະກອບອາວຸດ ແລະ ປະຊາຊົນລາວບັນດາເຜົ່າ ຈະພ້ອມກັບພັກ, ລັດ, ກອງທັບ ແລະ ປະຊາຊົນ ຫວຽດນາມ ອະນຸລັກຮັກສາ, ເສີມຂະຫຍາຍສາຍພົວພັນທີ່ຫາຍາກລະຫວ່າງສອງປະເທດໃຫ້ໝັ້ນຄົງທະໜົງແກ່ນໄປຊົ່ວກາລະນານ, ສົມກັບການເສຍສະຫຼະອັນຍິ່ງໃຫຍ່ຂອງທະຫານອາສາສະໝັກ ແລະ ນັກຊ່ຽວຊານ ຫວຽດນາມ ທີ່ ປະຕິບັດໜ້າທີ່ສາກົນຢູ່ ລາວ.