ກູບາ,ອາເມລິກາເຊື່ອມຕໍ່ ການເຈລະຈາກ່ຽວກັບ ບັນຫາເຂົ້າເມືອງ
(ພາບປະກອບ)
(vovworld)- ວັນທີ 9/7, ບັນດາເຈົ້າໜ້າທີ່ລັດຖະບານອາເມລິກາ ແລະ ກູບາ ໄດ້ເຊື່ອມຕໍ່ຮອບເຈງະຈາໃໝ່ກ່ຽວກັບບັນຫາເຂົ້າເມືອງຢູ່ນະຄອນຫຼວງວໍຊິຕັນ. ນີ້ແມ່ນຮອບເຈລະຈາທີ 3 ລະຫວ່າງສອງຝ່າຍນັບແຕ່ປີ 2011 ສຸມໃສ່ບັນດາບັນຫາມີລັກສະນະເຕັກນິກກ່ຽວຂ້ອງເຖິງສັນຍາເຂົ້າເມືອງສະບັບອອກປີ 1994 ແລະ 1995.
ສອງຝ່າຍໄດ້ດຳເນີນການຕີລາຄາການປະຕິບັດບັນດາຄຳໝັ້ນສັນຍາຍົກອອກໃນບັນດາສັນຍາເຂົ້າເມືອງປະກາດໃຊ້ໃນປະຈຸບັນ. ອີກເທື່ອໜຶ່ງກູບາ ໄດ້ເນັ້ນນັກເຖິງສະພາບພົນລະເມືອງກູບາ ເຂົ້າອາເມລິກາ ຢ່າງຜິກກົດໝາຍ ແລະ ຖືວ່ານີ້ແມ່ນບັນຫາຍາກທີ່ຈະລົບລ້າງໄດ້. ຝ່າຍກູບາ ຢືນຢັນພ້ອມແລ້ວທີ່ຈະຮັກສາບັນດາການເຈລະຈາກັບວໍຊິງຕັນໃນໄລຍະຈະມາເຖິງ.
ສ່ວນໂຄສົກກະຊວງການຕ່າງປະເທດອາເມລິກາ ທ່ານໜຶ່ງເນັ້ນຫນັກວ່າ: ບັນດາຮອບເຈລະຈາກ່ຽວກັບບັນຫາເຂົ້າເມືອງດຳເນີນໄປເພື່ອຮັບປະກັນວ່າ, ທຸກການເຄື່ອນໄຫວດຳເນີນໄປສອດຄ່ອງກັບຜົນປະໂຫຍດຂອງທັງສອງປະເທດອາເມລິກາ ແລະ ກູບາ ແຕ່ສິ່ງດັ່ງກ່າວບໍ່ມີຄວາມໝາຍວ່າຈະມີການປ່ຽນແປງໃນນະໂຍບາຍຂອງວໍຊິງຕັນທີ່ມີຕໍ່ລາຮາວານ./.