ໂຄງການປູກຢາງພາລາສາມາດສ້າງວຽກເຮັດງານທຳ
ໃຫ້ຜູ້ອອກແຮງງານເປັນຈຳນວນຫຼວງຫຼາຍ
(ພາບ:vanhoadoisong)
|
Vovworld- ກຸ່ມບໍລິສັດອຸດສາຫະກຳຢາງພາລາຫວຽດນາມ(VRG) ໃຫ້ຮູ້ວ່າ ປະຈຸບັນ, ກຸ່ມບໍລິສັດ ມີ 21 ໂຄງການພວມຜັນຂະຫຍາຍປະຕິບັດຢູ່ກຳປູເຈຍ ແລະ 8 ໂຄງການຜັນຂະຫຍາຍຢູ່ລາວ. ການປະຕິບັດບັນດາໂຄງການປູກຢາງພາລາຢູ່ 2 ປະເທດລ້ວນແຕ່ນອນໃນຂອບເຂດບັນດາໂຄງການຮ່ວມມືດ້ານເສດຖະກິດ, ວັດທະນະທຳ, ວິທະຍາສາດຊຶ່ງພວມໄດ້ຮັບການຍູ້ແຮງລະຫວ່າງ ຫວຽດນາມ ແລະ 2 ປະເທດລາວ, ກຳປູເຈຍ. ທ່ານວໍ້ຊີ້ລຶກ ສັງກັດສະພາສະມາຊິກ ກຸ່ມບໍລິສັດອຸດສາຫະກຳຢ່າງພາລາຫວຽດນາມ ໃຫ້ຮູ້ວ່າ :
“ ເມື່ອພວກຂ້າພະເຈົ້າຜັນຂະຫຍາຍເນື້ອທີ່ ຢາງພາລາຢູ່ປະເທດລາວ ແລະ ກຳປູເຈຍ, ພວກຂ້າພະເຈົ້າລ້ວນແຕ່ເຄົາລົບຜົນປະໂຫຍດຂອງປະຊາຊົນ ປະຈຳຖີ່ນ ແລະ ຍາມໃດກໍເອົາໃຈໃສ່ເຖິງການປຸກເຮືອນຢູ່, ໂຮງຮຽນ, ວັດວາອາຮາມຢູ່ບັນດາເຂດທີ່ມີໂຄງການ. ກຸ່ມບໍລິສັດຢາງພາລາຫວຽດນາມຢືນຢັນວ່າ ຈະສືບຕໍ່ພັດທະນາ ແລະ ລົງທຶນເຂົ້າບັນດາໂຄງການປູກຢາງພາລາຢູ່ລາວ ແລະ ກຳປູເຈຍຕາມເນື້ອໃນຈິດໃຈຮ່ວມມືລະຫວ່າງລັດຖະບານປະເທດຕ່າງໆ ແລະ ປະຊາຊົນຈະສືບຕໍ່ໄດ້ຊົມໃຊ້ຜົນປະໂຫຍດຈາກບັນດາໂຄງການນີ້”
ໃນຊຸມປີທີ່ຜ່ານມາ, ເມື່ອປະຕິບັດ ບັນດາໂຄງການປູກຢາງພາລາຢູ່ກຳປູເຈຍ, ກຸ່ມບໍລິສັດອຸດສາຫະກຳຢ່າງພາລາຫວຽດນາມໄດ້ລົງທຶນກໍ່ສ້າງເຮືອນຢູ່ 3.000 ຫຼັງໃຫ້ແກ່ກຳມະກອນຊາວທ້ອງຖິ່ນ ພ້ອມກັບລະບົບໄຟຟ້າ, ນ້ຳສະອາດ , ກິດຈະກຳສຸກສາລາ, ໂຮງຮຽນ... ສ່ວນຢູ່ລາວ, ກຸ່ມບໍລິສັດອຸດສາຫະກຳຢ່າງພາລາຫວຽດນາມກໍຳໄດ້ປຸກສ້າງເຮືອນຢູ່ ກ່ວາ 750 ຫຼັງໃຫ້ແກ່ກຳມະກອນຊາວທ້ອງຖິ່ນ ພ້ອມກັບບັນດາ ກິດຈະກຳສຸກສາລາ, ໂຮງຮຽນ , ທາງຄົມມະນາຄົມ, ຂົວ, ຕະຄອງ....