ກຸ່ມບໍລິສັດເມື່ອງແທງເປີດສະຫຼອງໂຮງແຮມ5ດາວແຫ່ງທຳອິດຢູ່ລາວ
ພິທີເປີດສະຫຼອງໂຮງແຮມ ເມື່ອງແທງ Luxury Vientiane
ຢູ່ນະຄອນຫລວງ ວຽງຈັນ, ປະເທດ ລາວ
(vovworld) - ຕອນຄ່ຳວັນທີ 28/07, ກຸ່ມບໍລິສັດໂຮງແຮມ ເມື່ອງແທງ ຈັດຕັ້ງພິທີເປີດສະຫຼອງໂຮງແຮມ ເມື່ອງແທງ Luxury Vientiane ຢູ່ນະຄອນຫລວງ ວຽງຈັນ, ປະເທດ ລາວ. ເຊິ່ງແມ່ນໜຶ່ງໃນບັນດາອາຄານສູງທີ່ສຸດຢູ່ ລາວ ໃນປະຈຸບັນ, ໂຮງແຮມ ເມື່ອງແທງ Luxury Vientiane ຕັ້ງຢູ່ໃນໃຈກາງນະຄອນຫລວງ ວຽງຈັນ, ໄດ້ຮັບການກໍ່ສ້າງຕາມມາດຕະຖານ 5 ດາວ ທີ່ທັນສະໄໝ ແຕ່ຍັງມີສີສັນວັດທະນະທຳທີ່ເປັນເອກະລັກສະເພາະຂອງປະເທດ ລ້ານຊ້າງ. ດ້ວຍທີ່ຕັ້ງສະດວກໄປມາງ່າຍດາຍຕະຫລອດຮອດບັນດາອົງການບໍລິຫານ ແລະ ບັນດາສະຖານທີ່ທ່ອງທ່ຽວທີ່ມີຊື່ສຽງຢູ່ນະຄອນຫລວງ ວຽງຈັນ ເຊັ່ນ: ທາດຫລວງ, ປະຕູໄຊ… ເມື່ອງແທງ Luxury Vientiane ຈະເປັນສະຖານທີ່ເລືອກເຟັ້ນແຖວໜ້າໃຫ້ແກ່ແຂກທ່ອງທ່ຽວໃນບັນດາການໄປປະຕິບັດງານ, ເປັນບ່ອນພັກອາໄສເພື່ອຄົ້ນຫາປະເທດລາວ.