(vovworld) – ເນື່ອງໃນໂອກາດການຢ້ຽມຢາມ ແລະ ເຮັດວຽກຢູ່ຫວຽດນາມ, ວັນທີ 03/06, ຢູ່ຮ່າໂນ້ຍ, ທ່ານປະທານກຸ່ມ ສສຊ ມິດຕະພາບຝລັ່ງ - ຫວຽດນາມ ຂອງສະພາແຫ່ງຊາດຝລັ່ງ Pascal Deguilhem ໄດ້ມີການພົບປະກັບສືມວນຊົນຫວຽດນາມ. ກ່ຽວກັບເລື່ອງຈີນ ຕັ້ງຮ້ານເຈາະນ້ຳມັນ ໄຮຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຂອງຫວຽດນາມ, ໄດ້ກໍ່ໃຫ້ເກີດສະພາບເຄັ່ງຕຶງທີ່ສຸດຢູ່ທະເລຕາເວັນອອກ, ທ່ານປະທານກຸ່ມ ສສຊ ມິດຕະພາບຝລັ່ງ - ຫວຽດນາມ Pascal Deguilhem ໃຫ້ຮູ້ວ່າ ກຸ່ມ ສສຊ ມິດຕະພາບຝລັ່ງ - ຫວຽດນາມ ຂອງສະພາແຫ່ງຊາດຝລັ່ງ ສະແດງຄວາມເຫັນຂອງຕົນດ້ວຍລາຍລັກອັກສອນເມື່ອວັນທີ 03/05/2014, ສະແດງຄວາມວິຕົກກັງວົນ ແລະ ປາດຖະໜາຢາກໃຫ້ບັນດາຝ່າຍທີ່ກ່ຽວຂ້ອງຈັດການເຈລະຈາເພື່ອຊອກຫາມາດຕະການສັນຕິພາບໃຫ້ແກ່ບັນຫາດັ່ງກ່າວໂດຍໄວ; ພ້ອມທັງຢືນຢັນທັດສະນະທີ່ວ່າ ທຸກມາດຕະການຕ້ອງອີງໃສ່ກົດໝາຍສາກົນ. ກຸ່ມ ສສຊ ມິດຕະພາບຝລັ່ງ - ຫວຽດນາມ ໄດ້ແຈ້ງໃຫ້ລັດຖະມົນຕີກະຊວງການຕ່າງປະເທດຝລັ່ງ ຊາບກ່ຽວກັບສະພາບການ ແລະ ສະແດງທັດສະນະຂອງຕົນ. ສານຂອງກຸ່ມ ສສຊ ມິດຕະພາບຝລັ່ງ - ຫວຽດນາມ ແມ່ນຮຽກຮ້ອງທຸກໆຝ່າຍຈົ່ງລະງັບໃຈ, ຈຳກັດບັນດາການກະທຳທີ່ນຳໃຊ້ຄວາມຮຸນແຮງສົ່ງຜົນສະທ້ອນເຖິງປະຊາຊົນ.