ກອງທຶນປົກປ້ອງເດັກ ຫວຽດນາມ ຮ່ວມເດີນທາງພ້ອມກັບເດັກທີ່ຖືກຜົນສະທ້ອນຈາກໂລກລະບາດໂຄວິດ - 19
(VOVWORLD) -ຕາມຂໍ້ມູນຈາກກອງທຶນປົກປ້ອງເດັກ ຫວຽດນາມ ແລ້ວ, ໄລ່ຮອດວັນທີ 18 ຕຸລາ, ກອງທຶນໄດ້ຊ່ວຍເຫຼືອເງິນຈຳນວນເກືອບ 7,8 ຕື້ດົ່ງໃຫ້ແກ່ເດັກກຳພ້າກວ່າ 1500 ຄົນ ຍ້ອນໂລກລະບາດໂຄວິດ - 19; ຊ່ວຍເຫຼືອເງິນສົດ ແລະ ວັດຖຸໃຫ້ແກ່ເດັກ 12.800 ຄົນ ທີ່ຖືກຜົນກະທົບຈາກໂລກລະບາດໂຄວິດ - 19 ດ້ວຍມູນຄ່າກວ່າ 7 ຕື້ດົ່ງ.
 (ພາບປະກອບ: TTXVN) |
ດ້ວຍທິດນຳທີ່ວ່າ ບໍ່ປະໃຫ້ເດັກກຳພ້າຄົນໃດບໍ່ໄດ້ຮັບຄວາມເອົາໃຈໃສ່, ເບິ່ງແຍງດູແລ ແລະ ປົກປ້ອງ, ກະຊວງແຮງງານ - ທະຫານເສຍອົງຄະ ແລະ ສັງຄົມ ໄດ້ຊີ້ນຳກອງທຶນປົກປ້ອງເດັກ ຫວຽດນາມ ຂົນຂວາຍປຸກລະດົມຜູ້ອຸປະຖຳຮ່ວມເດີນທາງພ້ອມກັບກອງທຶນຊ່ວຍເຫຼືອເດັກກຳພ້າຍ້ອນໂລກລະບາດໂຄວິດ - 19 ຢ່າງທັນການ.
ໃນໄລຍະຈະມາເຖິງ, ກອງທຶນປົກປ້ອງເດັກ ຫວຽດນາມ ຈະສືບຕໍ່ສົມທົບກັບພະແນກແຮງງານ - ທະຫານເສຍອົງຄະ ແລະ ສັງຄົມ ແຂວງ, ນະຄອນແຫ່ງຕ່າງໆ ຜັນຂະຫຍາຍການຊ່ວຍເຫຼືອເດັກກຳພ້າ, ກຳພອຍຈາກໂລກລະບາດໂຄວິດ - 19.
ຄາດວ່າ ຮອດວັນທີ 31 ທັນວາ, ຈະມີເດັກກຳພ້າຍ້ອນໂລກລະບາດໂຄວິດ - 19 ປະມານ 2.500 ຄົນໄດ້ຮັບການໜູນຊ່ວຍຈາກກອງທຶນດັ່ງກ່າວ ດ້ວຍຍອດມູນຄ່າຊ່ວຍເຫຼືອຂຶ້ນເຖິງກວ່າ 14 ຕື້ດົ່ງ.