ຄະນະປະຕິບັດງານຂອງສະຖານທູດ ຫວຽດນາມ ປະຈຳອິນເດຍ ໄປຢ້ຽມຢາມບັນດານັກຮົບ (ພາບ: VOV)

ວັນທີ 27 ກຸມພາ, ຄະນະປະຕິບັດງານຂອງ ສະຖານທູດ ຫວຽດນາມປະຈຳ ອິນເດຍ ໂດຍທ່ານເອກອັກຄະລັດຖະທູດ ຟ້າມແຊງເຈົາ ນຳໜ້າ ໄດ້ມາຢ້ຽມຢາມພະນັກງານ, ລູກເຮືອກຳປັ່ນ 016 - ກວາງຈຸງ ແລະ ຄະນະຜູ້ແທນກອງທັບເຮືອ ຫວຽດນາມ ທີ່ພວມເຂົ້າຮ່ວມການຊ້ອມຮົບກອງທັບເຮືອຫຼາຍຝ່າຍ MILAN ປີ 2022 ຢູ່ນະຄອນ Visakhapatnam, ລັດຕາເວັນອອກສ່ຽງໃຕ້ Andhra Pradesh, ປະເທດອິນເດຍ. ກ່າວຄຳເຫັນນະທີ່ນີ້, ທ່ານເອກອັກຄະລັດຖະທູດ ຟ້າມແຊງເຈົາ ຢັ້ງຢືນວ່າ ເລື່ອງກອງທັບເຮືອປະຊາຊົນຫວຽດນາມເຂົ້າຮ່ວມເຫດການຄັ້ງນີ້ ເພື່ອແນໃສ່ຕອບສະໜອງການໜູນຊ່ວຍຢ່າງສຸດຈິດສຸດໃຈ, ມີປະສິດທິຜົນຂອງກອງທັບເຮືອອິນເດຍ ທີ່ສະຫງວນໃຫ້ແກ່ກອງທັບເຮືອຫວຽດນາມ ໃນໄລຍະຜ່ານມາ. ນີ້ແມ່ນຂີດໝາຍທີ່ພົ້ນເດັ່ນ ແລະ ຈຸດເນັ້ນໜັກໃຫຍ່ທີ່ສຸດ ໃນບັນດາການເຄື່ອນໄຫວເນື່ອງໃນໂອກາດສະເຫຼີມສະຫຼອງ  50 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ສອງປະເທດ, ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດຢ່າງຮອບດ້ານລະຫວ່າງ ຫວຽດນາມ - ອິນເດຍ ໃຫ້ນັບມື້ນັບພັດທະນາ.

ໃນຂອບເຂດການຢ້ຽມຢາມ ແລະ ເຮັດວຽກຢູ່ລັດ Andhra Pradesh, ຫ້ອງການການຄ້າ ສະຖານທູດ ຫວຽດນາມ ປະຈຳ ອິນເດຍ ໄດ້ສົມທົບກັບສະຫະພັນ ການຄ້າ ແລະ ອຸດສາຫະກຳ ຫວຽດນາມ (VCCI) ຈັດຕັ້ງການໂອ້ລົມສົນທະນາການພົວພັນການຄ້າ, ແນະນຳກາລະໂອກາດຮ່ວມມືດຳເນີນທຸລະກິດລະຫວ່າງ ຫວຽດນາມ ແລະ ອິນເດຍ ເວົ້າລວມ ແລະ ກັບລັດ Andhra Pradesh ເວົ້າສະເພາະ.