ກອງທັບ ຊີຣີ ເພີ່ມທະວີການກວດລ້າງບັນດາມືປືນ IS
(VOVWORLD) -ວັນທີ 19 ສິງຫາ, ກອງທັບ ຊີຣີ ໄດ້ຜັນຂະຫຍາຍກໍາລັງທະຫານ ແລະ ຍານພາຫະນະການທະຫານໄປຍັງເຂດທະເລຊາຍ Badiyeh ຂຶ້ນກັບແຂວງ Deir Ezzor ເພື່ອແນໃສ່ເພີ່ມທະວີກຳລັງໃຫ້ລັດຖະບານເພື່ອຕໍ່ສູ້ຕ້ານທະຫານແຕກທັບຂອງອົງການ IS ຢູ່ແຂວງນີ້.
 (ພາບປະກອບ: THX/TTXVN) |
ກອງທັບ ຊີຣີ ໄດ້ຜັນຂະຫຍາຍຂະບວນລົດໃຫຍ່ທີ່ຂົນສົ່ງກຳລັງຈາກເທດສະບານ Al Mayadeen ທາງທິດຕາເວັນຕົກແມ່ນ້ຳ Euphrates ມຸ່ງໄປສູ່ເຂດຊາຍແດນຕິດກັບເທດສະບານ Albu Kamal, ທາງຕາເວັນອອກສ່ຽງໃຕ້ Deir Ezzor ເພື່ອແນໃສ່ເພີ່ມທະວີກໍາລັງໃຫ້ບັນດາຖານທີ່ໝັ້ນຂອງກຳລັງລັດຖະບານ Badiyeh.
ປະຈຸບັນ, ກຳລັງກອງທັບ ຊີຣີ ພວມດຳເນີນບັນດາບັ້ນບຸກໂຈມຕີ, ກວາດລ້າງພວກທະຫານແຕກທັບ IS ຢູ່ຫຼາຍເຂດພາກຂອງປະເທດນີ້. ຕາມບົດລາຍງານຫຼ້າສຸດຂອງ ສປຊ ແລ້ວ, ມີມືປືນ IS ປະມານ 30.000 ຄົນ ພວມເຄື່ອນໄຫວຢູ່ ອີຣັກ ແລະ ຊີຣີ.