ທ່ານ ຮ້ອຍເອກ Sidsore Kader Ouedraogo, ໂຄສົກຂະບວນການ MPSR - Patriotic Movement for Safeguard and Restoration  (ພາບ: Burkina Faso RA)

ວັນທີ 24 ມັງກອນ, ກອງທັບ ບວກກິນາຟາໂຊ ໄດ້ອອກຖະແຫຼງການ ປົດຕຳແໜ່ງ ປະທານາທິບໍດີ ສຳລັບ ທ່ານ Roch Marc Kabore  ບວກກິນາຟາໂຊ, ຢຸດຕິການນຳໃຊ້ລັດຖະທຳມະນູນ, ຍູບເລີກລັດຖະບານ ແລະ ສະພາແຫ່ງຊາດ, ພ້ອມທັງ ປິດປະຕູຊາຍແດນຂອງປະເທດນີ້. ຖະແຫຼງການໂດຍ ທ່ານພັນໂທ Paul-Henri Sandaogo Damiba ລົງນາມ ແລະ ນາຍທະຫານຄົນໜຶ່ງ ໄດ້ອ່ານຜ່ານຊ່ອງໂທລະພາບແຫ່ງຊາດ ບວກກິນາຟາໂຊ ທີ່ມີເນື້ອໃນຢັ້ງຢືນວ່າ ການ “ຢຶດຄຸ້ມຄອງສິດບໍລິຫານ” ໄດ້ປະຕິບັດ ໂດຍບໍ່ມີການໃຊ້ຄວາມຮຸນແຮງ ແລະ ບັນດາຜູ້ທີ່ຖືກກັກຕົວ ກໍພວມຢູ່ເຂດປອດໄພ. ບັນດາແຫຼ່ງຂ່າວການທະຫານ ແລະ ຄວາມໝັ້ນຄົງກ່ອນນັ້ນໃຫ້ຮູ້ວ່າ: ທ່ານປະທານາທິບໍດີ Kabore ໄດ້ລາອອກຈາກຕຳແໜ່ງ. ທ່ານ Kabore ຍັງບໍ່ທັນປະກົດຕົວຕໍ່ໜ້າມະຫາຊົນ ນັບແຕ່ເວລາເກີດການຍິງປຶນທີ່ຮ້າຍແຮງ ຢູ່ບັນດາຄ້າຍທະຫານ ໃນວັນທີ 23 ມັງກອນ.

ກ່ອນໜ້ານັ້ນ, ສະຫະພາບ ອາຟຼິກກາ (AU) ແລະ ປະຊາຄົມເສດຖະກິດ ອາຟຼິກກາຕາເວັນຕົກ (ECOWAS) ໄດ້ກ່າວປະນາມອັນທີ່ໄດ້ເອີ້ນວ່າ “ຕັ້ງໃຈລັດຖະປະຫານ” ຢູ່ປະເທດ ບວກກິນາຟາໂຊ, ພ້ອມທັງຮຽກຮ້ອງໃຫ້ກອງທັບປະເທດນີ້ ຮັບປະກັນຄວາມປອດໄພໃຫ້ແກ່ ທ່ານປະທານາທິບໍດີ Kabore ແລະ ບັນດາເຈົ້າໜ້າທີ່ໃນລັດຖະບານຂອງທ່ານ.