ກອງປະຊຸມດັ່ງກ່າວດຳເນີນເປັນເວລາ 2 ວັນ ໂດຍສະຫະປະຊາຊາດ ແລະ ປະເທດ ເຄັນຢາ ໄດ້ສົມທົບກັນຈັດຕັ້ງຂຶ້ນ, ໂດຍມີການເຂົ້າຮ່ວມຂອງບັນດາການນຳດ້ານການເມືອງ, ບັນດານັກວາງແຜນນະໂຍບາຍຂັ້ນສູງ ແລະ ນັກຊ່ຽວຊານດ້ານປ້ອງກັນຄວາມສະຫງົບ.

        ກ່າວຄຳເຫັນທີ່ພິທີໄຂ, ທ່ານ Antonio Guterres ເລຂາທິການໃຫຍ່ສະຫະປະຊາຊາດ ໃຫ້ຮູ້ວ່າ ໄພນາບຂູ່ຈາກການກໍ່ການຮ້າຍພວມແຜ່ລາມອອກຢ່າງກ້ວາງຂວາງຢູ່ ທະວີບ ອາຟະລິກາແລະ ສ້າງສະພາບການບໍ່ສະຫງົບໃນທົ່ວພາກພື້ນ. ທ່ານ Guterres ໄດ້ຮຽກຮ້ອງໃຫ້ປະຊາຄົມສາກົນຄວນເພີ່ມທະວີການສະໜັບສະໜູນດ້ານການເງິນ ແລະ ເຕັກນິກເພື່ອຊ່ວຍໃຫ້ບັນດາປະເທດ ອາຟະລິກາ ສະກັດກັ້ນໄພນາບຂູ່ຈາກການກໍ່ການຮ້າຍ.

        ສ່ວນທ່ານປະທານາທິບໍດີ ເຄັນຢາ Uhuru Kenyatta ໄດ້ກະຕຸກຊຸກຍູ້ໃຫ້ບັນດາປະເທດໃນພາກພື້ນເພີ່ມທະວີການຕິດຕາມກວດກາເຂດຊາຍແດນ, ຍົກສູງຄວາມຮັບຮູ້ໃຫ້ປະຊາຄົມເພື່ອແນໃສ່ເຮັດໃຫ້ ລັດທິກໍ່ການຮ້າຍຖືກປະລາໄຊ.