(ພາບປະກອບ: ກອງປະຊຸມຄະນະຊີ້ນໍາແຫ່ງຊາດກ່ຽວກັບການປ້ອງກັນ, ຕ້ານການຕິດເຊື້ອພະຍາດ Covid – 19)

        ບັນດານັກຊ່ຽວຊານ ແລະ ສະມາຊິກຄະນະຊີ້ນໍາໃຫ້ຮູ້ວ່າ ເຖິງວ່າຍັງມີການຜັນແປຢ່່າງສັບສົນກໍຕາມ ແຕ່ ສະພາບການໂລກລະບາດດັ່ງກ່າວຢູ່ ຈີນ ແມ່ນພວມມີສັນຍານດີຂຶ້ນ, ນັບທັງຈໍານວນຜູ້ຕິດເຊື້ອພະຍາດໃໝ່, ຈໍານວນຜູ້ເສຍຊີວິດ, ກໍລະນີເຈັບໜັກ ລ້ວນແຕ່ມີທ່າອຽງຫຼຸດລົງ. ຢູ່ຫວຽດນາມ, ບັນດາຜູ້ແທນເຂົ້າຮ່ວມກອງປະຊຸມ ຢັ້ງຢືນວ່າ ໄລ່ມາຮອດປັດຈຸບັນ, ຫວຽດນາມ ແມ່ນປະເທດປອດໄພ. ໃນຈໍານວນຜູ້ຕິດເຊື້ອພະຍາດ Covid – 19 16 ຄົນນັ້ນ, ມີ 7 ໄດ້ປົ່ວຫາຍດີ ແລະ ໄດ້ອອກໂຮງໝໍແລ້ວ, ສ່ວນ 9 ຄົນຍັງເຫຼືອ ກໍປະກົດມີອາການດີຂຶ້ນ. ຫວຽດນາມ ມີຄວາມສາມາດຢ່າງພຽງພໍເພື່ອປິດລ້ອມເຂດ, ປົ່ວປົວໃຫ້ຫາຍດີ ຖ້າຫາກມີກໍລະນີຕິດເຊື້ອພະຍາດໃໝ່. ປັດຈຸບັນ, ກະຊວງສາທາລະນະສຸກຫວຽດນາມ ກໍາລັງແນະນໍາແຂວງ ແຄ໊ງຮວ່າ ປະຕິບັດສໍາເລັດລະບຽບການ ເພື່ອຍື່ນສະເໜີອົງການມີສິດອໍານາດປະກາດສິ້ນສຸດໂລກລະບາດ. ທ່ານຮອງລັດຖະມົນຕີກະຊວງສາທາລະນະສຸກຫວຽດນາມ ໂດ໊ຊວັນຕວຽນ ໃຫ້ຮູ້ວ່າ:

“ຂ້າພະເຈົ້າສະເໜີວ່າ ພວກເຮົາຕ້ອງປະຕິບັດວຽກງານຕິດຕາກວດກາ, ກວດພົບ ແລະ ແຍກຕົວຢູ່ຕ່າງຫາກຕາມລັກສະນະຂອງສະພາບການໃໝ່ຄືຢູ່ເຂດທາງທິດເໜືອ, ທາງທິດຕາເວັນຕົກ ແລະ ທາງທິດຕາເວັນຕົກສ່ຽງໃຕ້ ໃຫ້ເປັນຢ່າງດີ. ນອກຈາກເລື່ອງປະຕິບັດໄດ້ດີຢູ່ແຂວງຫວິງຟຸກແລ້ວ, ຂ້າພະເຈົ້າສະເໜີ ບໍ່ຄວນປະໝາດ ແລະ ຕ້ອງປະຕິບັດວຽກງານຕິດຕາມກວດກາ, ກວດພົບ ແລະ ແຍກຕົວຢູ່ຕ່າງຫາກຕາມລັກສະນະສະພາບການຢູ່ເຂດທາງທິດເໜືອ ແລະ ທິດຕາເວັນຕົກສ່ຽງໃຕ້...”.

ກໍທີ່ກອງປະຊຸມ, ກະຊວງວັດທະນະທໍາ, ກິລາ ແລະ ທ່ອງທ່ຽວ, ກະຊວງສາທາລະນະສຸກ ສະເໜີວ່າ ຕ້ອງປະຕິບັດຢ່າງເຂັ້ມງວດບັນດາຄໍາສັ່ງຂອງລັດຖະບານ ແລະ ນາຍົກລັດຖະມົນຕີ ສໍາລັບບັນດາເປົ້າໝາຍທີ່ມາຈາກເຂດເກີດເຊື້ອພະຍາດ, ໄປຜ່ານເຂດດັ່ງກ່າວ ພາຍໃນຮອບເວລາ 14 ວັນ ບໍ່ໄດ້ເຂົ້າເມືອງ ຫຼື ຖ້າຫາກເຂົ້າເມືອງຫວຽດນາມ ແມ່ນຕ້ອງໄດ້ແຍກຕົວຢູ່ຕ່າງຫາກ ຕາມຂໍ້ກໍານົດ”.