(vovworld) – ວັນທີ 15/9, ຜູ້ຕາງໜ້າການທູດຂອງ 29 ປະເທດເຂົ້າຮ່ວມກອງປະຊຸມຢູ່ ປາຣີ (ປະເທດ ຝຣັ່ງ) ໄດ້ພິຈາລະນາກ່ຽວກັບຄາວມໝັ້ນຄົງ ແລະ ສັນຕິພາບຢູ່ ອີຣັກ, ໃນນັ້ນ ມີບັນດາສະມາຊິກຂອງສະພາຄວາມໝັ້ນຄົງ ສປຊ, ເຫັນດີເປັນເອກະສັນໜູນຊ່ວຍໃຫ້ ອີຣັກ “ພາຫະນະທີ່ຈຳເປັນທຖກຢ່າງ, ນັບທັງໜູນຊ່ວຍດ້ານການທະຫານຢ່າງເໝາະສົມ” ເພື່ອຊ່ວຍປະເທດນີ້ຮັບມືກັບອົງການທີ່ອ້າງຊື່ວ່າ “ລັດອິດສະລາມ” (IS). ຖະແຫຼງການຮ່ວມທີ່ກອງປະຊຸມຊີ້ແຈ້ງວ່າ “ພາກສ່ວນຫົວຮຸນແຮງ IS ແມ່ນໄພນາບຂູ່ບໍ່ພຽງແຕ່ສຳລັບ ອີຣັກ ເທົ່ານັ້ນ ຫາກສຳລັບປະຊາຄົມໂລກອີກດ້ວຍ”, ພ້ອມທັງເນັ້ນໜັກວ່າ “ຈຳເປັນຕ້ອງລົບລ້າງ IS ອອກຈາກເຂດພາກພື້ນທີ່ອົງການນີ້ໄດ້ສ້າງຕັ້ງຢູ່ ອີຣັກ”. ເພື່ອບັນລຸໄດ້ຈຸດໝາຍນີ້, ບັນດາຝ່າຍໃຫ້ຄຳໝັ້ນສັນຍາໜູນຊ່ວຍລັດຖະບານໃໝ່ຂອງ ອີຣັກ ໃນບັ້ນຮົບຕ້ານ IS. ກໍ່ໃນກອງປະຊຸມດັ່ງກ່າວ, ບັນດາຝ່າຍເຂົ້າຮ່ວມໄດ້ໃຫ້ຄຳໝັ້ນສັນຍາຮ່ວມມືຢ່າງແໜ້ນແຟ້ນເພື່ອ “ຮັບປະກັນວ່າພວກ IS ຈະຖືກນຳມາພິພາກສາ”, ພ້ອມກັນນັ້ນບັນດາຄຳໝັ້ນສັນຍາທີ່ຖືກຍົກອອກມາທີ່ກອງປະຊຸມຈະໄດ້ຮັບການປະຕິບັດ, ພິເສດແມ່ນໃນຂອບເຂດຂອງ ສປຊ ແລະ ໃນບັນດາການພົບປະຂັ້ນສູງທີ່ຈັດຂຶ້ນຢູ່ນອກກອງປະຊຸມໃຫຍ່ ສປຊ.