ຕອນບ່າຍວັນທີ 25 ທັນວາ, ກອງປະຊຸມຊາບຊຶມ, ຜັນຂະຫຍາຍການປະຕິບັດກົດໝາຍ, ມະຕິສະບັບຕ່າງໆທີ່ໄດ້ຮັບຮອງເອົາໃນກອງປະຊຸມສະໄໝສາມັນເທື່ອທີ 8, ສະພາແຫ່ງຊາດ ຫວຽດນາມ ຊຸດທີ 15, ໄດ້ຈັດຂຶ້ນຢູ່ສຳນັກງານລັດຖະບານ, ທີ່ ຮ່າໂນ້ຍ, ພາຍໃຕ້ການເປັນປະທານຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.

        ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຊີ້ແຈ້ງວ່າ: ພາຍຫຼັງກອງປະຊຸມເທື່ອທີ 8, ລັດຖະບານ, ນາຍົກລັດຖະມົນຕີໄດ້ຊີ້ນຳບັນດາກະຊວງ, ຂະແໜງການ, ທ້ອງຖິ່ນທີ່ກ່ຽວຂ້ອງ ຮີບເຮັ່ງຜັນຂະຫຍາຍກົດໝາຍ, ມະຕິສະບັບຕ່າງໆໃຫ້ມີປະສິດທິຜົນ, ຮັບປະກັນຄວາມຕິດພັນຢ່າງແໜ້ນແຟ້ນລະຫວ່າງການສ້າງ ແລະ ປະຕິບັດກົດໝາຍ, ລະອຽດແມ່ນວຽກງານໂຄສະນາ, ເຜີຍແຜ່ກົດໝາຍ; ປະກາດໃຊ້ແຜນການ… ທ່ານສະເໜີຍູ້ແຮງການປະຕິບັດຄວາມຮຽກຮ້ອງ “ຕ້ອງຕິດພັນຢ່າງແໜ້ນແຟ້ນລະຫວ່າງການສ້າງກົດໝາຍ ກັບການຈັດຕັ້ງປະຕິບັດກົດໝາຍ, ຮັບປະກັນໃຫ້ກົດໝາຍໄດ້ປະຕິບັດດ້ວຍຄວາມຍຸຕິທຳ, ເຄັ່ງຂັດ, ສະເໝີຕົ້ນສະເໝີປາຍ, ທັນການ, ມີປະສິດທິພາບ, ປະສິດທິຜົນ”.

        ກໍ່ທີ່ກອງປະຊຸມ, ທ່ານປະທານສະພາແຫ່ງຊາດ ເຈິ່ນແທັງເໝີ້ນ, ສະເໜີໃຫ້ລັດຖະບານຊີ້ນຳບັນດາອົງການທີ່ໄດ້ຮັບມອບໝາຍເປັນປະທານຮຽບຮຽງ, ປະກາດໃຊ້ເອກະສານ ເພື່ອໃຫ້ວຽກງານສ້າງ, ປະກາດໃຊ້ເອກະສານບໍ່ຖືກຂາດວັກຂາດຕອນ.