ກອງປະຊຸມຂອງລັດຖະບານ
|
(vovworld) – ຕອນເຊົ້າວັນທີ 28/12, ຢູ່ ຮ່າໂນ້ຍ, ກ່າວຄຳເຫັນໄຂກອງປະຊຸມລັດຖະບານກັບບັນດາທ້ອງຖິ່ນ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາວ່າ ປີ 2016, ປະເທດຕ້ອງປະເຊີນໜ້າກັບສິ່ງທ້າທາຍຫຼາຍຢ່າງ, ສະພາບການສາກົນ ແລະ ພາກພື້ນສັບສົນ. ເສດຖະກິດພາຍໃນປະເທດຍັງມີສິ່ງຄົງຄ້າງຫຼາຍຢ່າງ. ແຕ່ເຖິງຢ່າງໃດກໍ່ຕາມ, ລັດຖະບານໄດ້ມີບັນດາມາດຕະການມີປະສິດທິຜົນ. ທ່ານນາຍົກລັດຖະມົນຕີ ຫງວຽນຊວນຟຸກ, ຊີ້ແຈ້ງວ່າ:
“ປະຕິບັດບັນດາມະຕິຂອງພັກ ແລະ ສະພາແຫ່ງຊາດ, ລັດຖະບານໄດ້ຜັນຂະຫຍາຍບັນດາມາດຕະການປະຕິບັດໜ້າທີ່ປີ 2016 ຢ່າງຂຽວຂາດ ແລະ ຄົບຊຸດ. ລັດຖະບານ, ນາຍົກລັດຖະມົນຕີຕັດສິນໃຈກໍ່ສ້າງລະບົບບໍລິຫານທຸກຂັ້ນສັດຊື່ບໍລິສຸດ, ສ້າງສັນ, ຮັບໃຊ້ການພັດທະນາ, ກະທຳ, ຮັບໃຊ້ປະຊາຊົນ, ວິສາຫະກິດ. ປີ 2016, ລັດຖະບານກໍ່ໄດ້ກຳນົດ “ປີແຫ່ງຊາດເລີ່ມດຳເນີນອາຊີບ” ດ້ວຍຫຼາຍມາດຕະການສົ່ງເສີມຢ່າງແຮງ.”
ທີ່ກອງປະຊຸມ, ທ່ານນາຍົກລັດຖະມົນຕີ ໄດ້ຊີ້ແຈ້ງ 10 ໝາກຜົນພົ້ນເດັ່ນ, ໃນນັ້ນມີຫຼາຍມາດຕະຖານເສດຖະກິດ - ສັງຄົມບັນລຸໝາກຜົນສູງ.
ທີ່ກອງປະຊຸມ, ບັນດາສະມາຊິກລັດຖະບານ, ບັນດາທ້ອງຖິ່ນ, ບັນດາຂະແໜງການໄດ້ປຶກສາຫາລືກ່ຽວກັບຫຼາຍບົດລາຍງານ ແລະ ຮ່າງມະຕິສຳຄັນ.