(vovworld) – ກອງປະຊຸມວິທະຍຸກະຈາຍສຽງ ອາຊີ 2013 (Radio Asia 2013) ຖືກອັດລົງໃນຕອນບ່າຍວັນທີ 31/7, ພາຍຫຼັງດຳເນີນມາເປັນເວລາ 3. ກອງປະຊຸມໂດຍ ວິທະຍຸກະຈາຍສຽງ ຫວຽດນາມ ເປັນເຈົ້າພາບຈັດຕັ້ງເປັນຄັ້ງທຳອິດ ໄດ້ສ້າງຄວາມປະທັບໃຈອັນດີງາມໃຫ້ເພື່ອນມິດສາກົນ. ກ່າວຄຳເຫັນທີ່ພິທີອັດກອງປະຊຸມ, ທ່ານເລຂາທິການໃຫຍ່ສູນຂໍ້ມູນສື່ມວນຊົນ ແລະ ສື່ສານ ອາຊີ (AMIC) Martin Hadlow ຢືນຢັນກອງປະຊຸມວິທະຍຸກະຈາຍສຽງ ອາຊີ 2013 ບັນລຸຜົນສຳເລັດຢ່າງຈົບງາມ, ພ້ອມທັງຕີລາຄາສູງຄວາມເອົາໃຈໃສ່ຂອງລັດຖະບານ ຫວຽດນາມ ທີ່ມີຕໍ່ຂະແໜງກະຈາຍສຽງ ກໍ່ຄືຄວາມມານະພະຍາຍາມຂອງ VOV ໃນການຈັດຕັ້ງກອງປະຊຸມ.
ທີ່ກອງປະຊຸມ, ບັນດາຊ່ຽວຊານກະຈາຍສຽງກຳນົດບັນດາຄວາມກ້າວໜ້າກ່ຽວກັບດ້ານເຕັກໂນໂລຢີຂໍ້ມູນຂ່າວສານ ແລະ ສື່ສານສັງຄົມພວມສວມບົດບາດນັບມື້ນັບສຳຄັນ, ແມ່ນບັນດາເຄື່ອງມືທີ່ສຳຄັນຊ່ວຍໃຫ້ບັນດາວິທະຍຸກະຈາຍສຽງ ອາດຈະເຕີບໃຫຍ່, ເຂັ້ມແຂງ ແລະ ມີຊີວິດຊີວາກ່ວາ. ກອງປະຊຸມວິທະຍຸກະຈາຍສຽງ ອາຊີ 2013 ກໍ່ແມ່ນໂອກາດເພື່ອໃຫ້ບັນດາຜູ້ເຮັດວຽກງານກະຈາຍສຽງ ຫວຽດນາມ ແບ່ງປັນບົດຮຽນ, ແລກປ່ຽນ ແລະ ຮຳ່ຮຽນເອົາບົດຮຽນຂອງບັນດາປະເທດໃນພາກພື້ນກໍ່ຄືບັນດາປະເທດທີ່ມີພື້ນຖານກະຈາຍສຽງກ້າວໜ້າອັນດັບໜຶ່ງຂອງໂລກຄື ອັງກິດ, ຝຣັ່ງ.