ທ່ານຮອງນາຍົກລັດຖະມົນຕີ Nguyen Xuan Phuc ກ່າວຄຳເຫັນທີ່ກອງປະຊຸມ
ສຳມະນາ
ພາບ:baodientuchinhphu.vn |
(vovworld) - ກອງປະຊຸມສະຫລຸບວຽກງານປ້ອງກັນ, ຕ້ານອາດຊະຍາກຳ ແລະ ຜັນຂະຫຍາຍຫນ້າທີ່ຈຸດສຸມໃນຊຸມເດືອນທ້າຍປີ 2012 ໂດຍຄະນະຊີ້ນຳໂຄງການແຫ່ງຊາດກ່ຽວກັບການປ້ອງກັນ, ຕ້ານອາດຊະຍາກຳຂອງລັດຖະບານ ຈັດຕັ້ງຂຶ້ນໃນຕອນບ່າຍວັນທີ 24/10 ຢູ່ ຮ່າໂນ້ຍ. ຕາມບົດລາຍງານຂອງຄະນະຊີ້ນຳໂຄງການ ແຫ່ງຊາດກ່ຽວກັບການປ້ອງກັນ, ຕ້ານອາດຊະຍາກຳຂອງລັດຖະບານ ແລ້ວ, ນັບແຕ່ຕົ້ນປີມາຮອດປະຈຸບັນ, ທົ່ວປະເທດໄດ້ດຳເນີນການສືບສວນ, ພົບເຫັນກວ່າ 37.000 ຄະດີລະເມີດຄວາມເປັນລະບຽບຮຽບຮ້ອຍທາງສັງຄົມ, ຄະດີອາຍາຫລຸດລົງ 1,37%, ຄະດີເສດຖະກິດເພີ່ມຂຶ້ນກວ່າ 9% ເມື່ອທຽບໃສ່ໄລຍະດຽວກັບຂອງປີກາຍ. ກ່າວຄຳເຫັນສະຫລຸບກອງປະຊຸມ, ທ່ານຮອງນາຍົກລັດຖະມົນຕີ Nguyen Xuan Phuc ຖືວ່າ:
“ຢູ່ອົງການຈັດຕັ້ງໃດ, ອົງຄະນະພັກມີຄວາມຕັດສິນໃຈຢ່າງສູງ, ການນຳມີຄວາມເອົາໃຈໃສ່ຊີ້ນຳຢ່າງມີຈຸດສຸມ ແລະ ວາງອອກບັນດາມາດຕະການຄົບຊຸດ, ມີວິທີປະຕິບັດຢ່າງເໝາະສົມ, ເປັນຕົ້ນແມ່ນລະດົມກຳລັງແຮງຂອງລະບົບການເມືອງ ແລະ ປະຊາຊົນເຂົ້າຮ່ວມ, ອົງການຈັດຕັ້ງນັ້ນຈະປ້ອງກັນ ແລະ ຕ້ານອາດຊະຍາກຳເປັນຢ່າງດີ ແລະ ກົງກັນຂ້າມ. ຄະນະຊີ້ນຳໄດ້ຖື ຫນ້າທີ່ປ້ອງກັນ ແລະ ຕ້ານອາດຊະຍາກຳແມ່ນຫນ້າທີ່ສຳຄັນ, ເປັນປະຈຳ ແລະ ພວກເຮົາຕ້ອງປະຕິບັດວຽກງານນີ້ໃນຊຸມເດືອນທ້າຍປີ 2012 ແລະໄລຍະຈະມາເຖິງຢ່າງມີປະສິດທິຜົນ.”