ກອງປະຊຸມສະຫລຸບ 5 ປີ ແຫ່ງການປະຕິບັດກົດໝາຍວ່າດ້ວຍການປ້ອງກັນ ແລະ ຕ້ານການສໍ້ລາດບັງຫລວງ
ພາບ:internet |
(vovworld) - ກອງປະຊຸມສະຫລຸບ 5 ປີ ແຫ່ງການປະຕິບັດກົດໝາຍວ່າດ້ວຍການປ້ອງກັນ ແລະ ຕ້ານການສໍ້ລາດບັງຫລວງ (2007 - 2012) ແລະ ຝືກອົບຮົມຄຳສັ່ງແນະນຳກ່ຽວກັບການປະຕິບັດຂໍ້ກຳນົດລະອຽດ ແລະ ແນະນຳສິດອຳນາດເນື້ອໃນກວດກາ, ຄວາມຮັບຜິດຊອບການປະຕິບັດບັນດາຂໍ້ກຳນົດຂອງກົດໝາຍວ່າດ້ວຍການປ້ອງກັນ ແລະ ຕ້ານການສໍ້ລາດບັງຫລວງ ໂດຍອົງການກວດກາລັດຖະບານຈັດຕັ້ງຂຶ້ນໃນຕອນເຊົ້າວັນທີ 6/9 ຢູ່ ຮ່າໂນ້ຍ. ທີ່ກອງປະຊຸມສຳມະນາ, ບັນດາຜູ້ແທນຖືວ່າ: ຜ່ານ 5 ປີແຫ່ງການຜັນຂະຫຍາຍ, ກົດໝາຍວ່າດ້ວຍການປ້ອງກັນ ແລະ ຕ້ານການສໍ້ລາດບັງຫລວງໄດ້ສ້າງພື້ນຖານທາງດ້ານກົດໝາຍທີ່ສຳຄັນໃຫ້ແກ່ການຍູ້ແຮງວຽກງານປ້ອງກັນ ແລະ ຕ້ານການສໍ້ລາດບັງຫລວງໃນຂອບເຂດທົ່ວປະເທດ, ຍົກສູງສະຕິຄວາມຮັບຮູ້ຂອງບັນດາກະຊວງ, ຂະແຫນງການ ແລະ ອຳນາດການປົກຄອງຂັ້ນຕ່າງໆໃນວຽກງານປ້ອງກັນ ແລະ ຕ້ານການສໍ້ລາດບັງຫລວງເທື່ອລະກ້າວ. ເຖິງຢ່າງໃດກໍຕາມ, ວຽກງານປ້ອງກັນ ແລະ ຕ້ານການສໍ້ລາດບັງຫລວງບໍ່ທັນບັນລຸຈຸດໝາຍທີ່ວາງອອກ. ສະນັ້ນ ເພື່ອຍົກສູງວຽກງານປ້ອງກັນ ແລະ ຕ້ານການສໍ້ລາດບັງຫລວງໃນໄລຍະຈະມາເຖິງ, ບັນດາຜູ້ແທນຖືວ່າ ຄວນຜັນຂະຫຍາຍມາດຕະການປ້ອງກັນ ແລະ ຕ້ານການສໍ້ລາດບັງຫລວງຢ່າງຄົບຊຸດ, ກວດກາການປະຕິບັດເປັນປະຈຳ.