ກອງປະຊຸມສໍາມະນາໂຕະມົນ “70 ປີແຫ່ງການຮ່ວມມືລະຫວ່າງ ລັດເຊຍ - ຫວຽດນາມ ປະຈໍາ ສະຫະພັນ ລັດເຊຍ

       ກ່າວຄໍາເຫັນທີ່ກອງປະຊຸມ, ທ່ານ Sergei Uyanaev ຮອງຫົວໜ້າສະຖາບັນຕາເວັນອອກໄກ, ສະຖາບັນບັນດິດ ວິທະຍາສາດ ສະຫະພັນ ລັດເຊຍ ຖືວ່າ: ຫົວຂໍ້ຂອງກອງປະຊຸມຄັ້ງນີີ້ ກໍແມ່ນຫົວຂໍ້ຂອງການພົວພັນລະຫວ່າງ ລັດເຊຍ - ຫວຽດນາມ ໃນປັດຈຸບັນ ແລະ ເຫດການສອງປະເທດໃກ້ຈະສະເຫຼີມສະຫຼອງ 70 ປີ ແຫ່ງວັນສ້າງຕັ້ງສາຍພົວພັນທາງການທູດນັ້ນ ກໍແມ່ນກໍາລັງໜູນເພື່ອສະຫຼຸບບັນດາຜົນງານ, ແງ່ຫວັງ ກໍຄືໜ້າທີ່ໃນການພົວພັນລະຫວ່າງສອງປະເທດ.

        “ລັດເຊຍ ກໍານົດວ່າ ການພົວພັນກັບຫວຽດນາມເວົ້າລວມ ສືບຕໍ່ພັດທະນາໃນທຸກຂົງເຂດ ນັບແຕ່ດ້ານການເມືອງ, ເສດຖະກິດຕະຫຼອດຮອດການຮ່ວມມືດ້ານປ້ອງກັນຊາດ, ການຮ່ວມມືດ້ານເຕັກນິກການທະຫານ. ການຮ່ວມມືໃນຂົງເຂດການສຶກສາ, ການທ່ອງທ່ຽວກໍ່ພັດທະນາຢ່າງແຮງ. ການພົວພັນສອງຝ່າຍກໍສວມບົດບາດສໍາຄັນ, ຂ້າມຜ່ານຂອບເຂດຂອງການຮ່ວມມືສະເພາະ, ສ້າງການພົວພັນຮ່ວມມືຫຼາຍຮູບຫຼາຍແບບ ແລະ ມີປະສິດທິຜົນໃນພາກພື້ນ. ສອງປະເທດໄດ້ຮ່ວມມື ແລະ ສົມທົບກັນຢ່າງແໜ້ນແຟ້ນໃນບັນດາເວທີປາໄສຫຼາຍຝ່າຍສໍາຄັນ, ບັນດາອົງການຈັດຕັ້ງສາກົນ. ສອງປະເທດກໍສ້າງກົນໄກຮ່ວມມືທີ່ມີປະສິດທິຜົນອີກດ້ວຍ”.

        ກອງປະຊຸມໄດ້ແບ່ງອອກເປັນ 4 ພາກ, ເຊິ່ງໄດ້ເຕື້ອງເຖິງບັນດາແງ່ມູມໃນການພົວພັນລະຫວ່າງລັດເຊຍ - ຫວຽດນາມ. ບັນດາບົດປະກອບຄໍາເຫັນ ໄດ້ຍົກອອກບັນດາມາດຕະການຊຸກຍູ້ການພົວພັນລະຫວ່າງ ລັດເຊຍ - ຫວຽດນາມ ຢ່າງຈະແຈ້ງ, ພ້ອມທັງຍົກອອກບັນດາຂໍ້ລິເລີ່ມ ເພື່ອສອງປະເທດມີຄວາມຜູກພັນກັນຫຼາຍກວ່າອີກ.

 ແອັງຕູ໊ - ວັນເທື່ອງ, ນັກຂ່າວວິທະຍຸກະຈາຍສຽງຫວຽດນາມ ປະຈໍາ ລັດເຊຍ