ກະຊວງປ້ອງກັນປະເທດລາວສະເຫຼີມສະຫຼອງ65ປີແຫ່ງວັນມູນເຊື້ອທະຫານອາສາສະໝັກຫວຽດນາມຊ່ວຍລາວ
Quoc Khanh,ນັກຂ່າວVOVປະຈຳລາວ -
ພິທີຕັດແຖບຜ້າເປີດສະຫຼອງງານວາງສະແດງກ່ຽວກັບປະຫວັດຂອງການພົວພັນທີ່ເປັນມູນເຊື້ອລາວ - ຫວຽດນາມ, ຫວຽດນາມ - ລາວ
(vovworld) – ເນື່ອງໃນໂອກາດ 65 ປີແຫ່ງວັນມູນເຊື້ອທະຫານອາສາສະໝັກ ຫວຽດນາມ ຊ່ວຍລາວ (30/10/1949 – 30/10/2014), ຕອນເຊົ້າວັນທີ 30/10 ຢູ່ນະຄອນຫຼວງ ວຽງຈັນ, ກະຊວງປ້ອງກັນປະເທດ ລາວ ໄດ້ສົມທົບກັບສະຖານທູດ ຫວຽດນາມ, ສູນວັດທະນະທຳ ຫວຽດນາມ ປະຈຳ ລາວ ໄດ້ຈັດຕັ້ງງານຊຸມນຸມມິດຕິງສະເຫຼີມສະຫຼອງ ແລະ ວາງສະແດງບັນດາການເຄື່ອນໄຫວພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ. ນະທີ່ນີ້, ພົນຕີ ສຸວອນ ເລືອງບຸນມີ, ລັດຖະມົນຕີຊ່ວຍວ່າການກະຊວງປ້ອງກັນປະເທດ, ຫົວໜ້າເສນາທິການໃຫຍ່ກອງທັບປະຊາຊົນ ລາວ, ເນັ້ນໜັກວ່າ: ກຳລັງປະກອບອາວຸດ ລາວ ຄວນເຂົ້າໃຈຢ່າງເລິກເຊິ່ງກ່ຽວກັບປະຫວັດສາດສຳພັນທະມິດສູ້ຮົບຂອງຄົນລຸ້ນກ່ອນ, ສືບຕໍ່ເດີນຕາມລຸ້ນພໍ່ລຸ້ນອ້າຍ, ເພີ່ມທະວີຄວາມສາມັກຄີກັບປະຊາຊົນ ຫວຽດນາມ ໃນສະພາບການໃໝ່. ບັນດາກົມກອງຂຶ້ນກັບກຳລັງປະກອບອາວຸດຄວນຕັ້ງໜ້າໂຄສະນາເຜີຍແຜ່, ສຶກສາອົບຮົມມູນເຊື້ອປະຫວັດສາດກ່ຽວກັບສາຍພົວພັນພິເສດ ຫວຽດນາມ - ລາວ ໃຫ້ພະນັກງານ, ນັກຮົບລຸ້ນຕ່າງໆ.
ເນື່ອງໃນໂອກາດນີ້, ທີ່ສູນວາງສະແດງຂອງກະຊວງປ້ອງກັນປະເທດ, ການນຳກະຊວງປ້ອງກັນປະເທດ ລາວ, ສະຖານທູດ ຫວຽດນາມ ປະຈຳ ລາວ ໄດ້ຕັດແຖບຜ້າເປີດສະຫຼອງງານວາງສະແດງກ່ຽວກັບປະຫວັດສາດແຫ່ງການພົວພັນທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ, ຫວຽດນາມ - ລາວ ຜ່ານໄລຍະຕ່າງໆ.
Quoc Khanh,ນັກຂ່າວVOVປະຈຳລາວ