ທ່ານພົນຕີ ໂຕເອີນໂຊ (ພາບ: TTXVN)

ທີ່ກອງປະຊຸມຖະແຫງຂ່າວນັດສາມັນເດືອນ ເມສາ ຂອງລັດຖະບານ, ທ່ານພົນຕີ ໂຕເອີນໂຊ, ຫົວໜ້າຫ້ອງການ, ໂຄສົກກະຊວງຕຳຫຼວດຫວຽດນາມ ໄດ້ແລກປ່ຽນກ່ຽວກັບສະພາບການເຂົ້າເມືອງຢ່າງຜິດກົດໝາຍໃນໄລຍະຜ່ານມາ ແລະ ໃຫ້ຮູ້ວ່າ: ກະຊວງຕຳຫຼວດຫາກໍອອກຄຳສັ່ງທາງການກ່ຽວກັບການກວດກາຄັ້ງໃຫຍ່ໃນຂອບເຂດທົ່ວປະເທດເພື່ອກວດຫາຊາວຕ່າງປະເທດເຂົ້າເມືອງຫວຽດນາມ ຢ່າງຜິດກົດໝາຍ.

        ຕາມນັ້ນແລ້ວ, ກຳລັງທີ່ມີໜ້າທີ່ຈະກວດກາເຮືອນພັກ, ໂຮງແຮມ, ເຂດທີ່ຢູ່ອາໄສ; ເພີ່ມທະວີການກວດກາຢູ່ເຂດຊາຍແດນ. ກຳລັງຕຳຫຼວດຈະດຳເນີນການຊອກຫາ, ດຳເນີນຄະດີ ແລະ ດຳເນີນຄະດີສຳລັບຜູ້ເຂົ້າເມືອງຢ່າງຜິດກົດໝາຍ, ນາຍໜ້າຢ່າງຂ້ຽວຂາດໂດຍໄວ… ບັນດາຜູ້ເຂົ້າເມືອງຢ່າງຜິດກົດໝາຍຖ້າບໍ່ຕິດເຊື້ອພະຍາດໂຄວິດ-19 ຈະຖືກສົ່ງກັບຄືນໄປຍັງເຂດເລີ່ມອອກເດີນທາງ. ບັນດາເຮືອນພັກທີ່ບໍ່ປະຕິບັດຕາມຂໍ້ກຳນົດຢ່າງຖືກຕ້ອງອາດຈະຖືກຖອນໃບອະນຸຍາດເຄື່ອນໄຫວ, ປັບໄໝຕາມລະບຽບການ, ຊ້ຳບໍ່ໜຳອາດຈະນຳໃຊ້ມາດຕະການອາຍາ. ກ່ຽວກັບຈຳນວນຜູ້ເຂົ້າເມືອງຢ່າງຜິດກົດໝາຍ, ປະຈຸບັນ 39 ທ້ອງຖິ່ນໄດ້ລາຍງານມີຜູ້ເຂົ້າເມືອງຢ່າງຜິດກົດໝາຍກວ່າ 1.300 ຄົນ. ກະຊວງຕຳຫຼວດໄດ້ແກ້ໄຂປັບໄໝ, ດຳເນີນຄະດີ 141 ຄົນ.

ກໍ່ທີ່ກອງປະຊຸມຖະແຫງຂ່າວ, ທ່ານຮອງລັດຖະມົນຕີ ເຈີ່ນວັນທ໊ວນ ຢືນຢັນວ່າ, ຫວຽດນາມ ບໍ່ຫ້າມນັກຊ່ຽວຊານຕ່າງປະເທດມາເຮັດວຽກຢູ່ ຫວຽດນາມ. ແຕ່ເຖິງຢ່າງໃດກໍ່ຕາມ, ກ່ອນອື່ນໝົດ, ບັນດາຫົວໜ່ວຍ, ບໍລິສັດ ແລະ ແຂວງສະເໜີຕ້ອງໃຫ້ມີຄວາມເໝາະສົມ, ມີປະສິດທິຜົນກັບວຽກງານ, ມີປະສິດທິຜົນໃຫ້ແກ່ການພັດທະນາເສດຖະກິດ-ສັງຄົມຂອງປະເທດຊາດຢ່າງແທ້ຈິງ.