(vovworld) – ວັນ​ທີ 29/11, ທ​ຳ​ນຽບ​ຂາວ​ໄດ້​ປະ​ກາດ​ວ່າ, ທ່ານ​ປະ​ທາ​ນາ​ທິ​ບໍ​ດີ ອາ​ເມ​ລິ​ກາ Barack Obama ຈະ​ສົ່ງ​ຜູ້​ຕາງ​ໜ້າ 2 ທ່ານ​ເຂົ້າ​ຮ່ວມ​ພິ​ທີ​​ສົບ​ຂອງ​ຜູ້ນຳ ກູ​ບາ Fidel Castro, ນັ້ນ​ແມ່ນ​ທ່ານ Ben Rhodes, ຮອງ​ທີ່​ປຶກ​ສາ​ດ້ານ​ປ້ອງ​ກັນ​ຄວາມ​ສະ​ຫງົບ​ແຫ່ງ​ຊາດ ແລະ ທ່ານ Jeffrey DeLaurentis, ຜູ້​​ທີ່ທ່ານ​ປະ​ທາ​ນາ​ທິ​ບໍ​ດີ Obama ​ສະ​ເໜີ​ເປັນ​ເອກ​ອັກ​ຄະ​ລັດ​ຖະ​ທູດ ອາ​ເມ​ລິ​ກາ ປະ​ຈຳ ກູ​ບາ.

(ພາບ​ປ​ະ​ກອບຈາກ dantri.com.vn)

        ​ຂໍ້​ຕົກ​ລົງ​ດັ່ງ​ກ່າວ​​ໄດ້​ຍົກ​ອອກ​ມາ​ພາຍຫຼັງ​ທີ່​ທຳ​ນຽບ​ຂາວ​ໄດ້​ອອກ​ຖະ​ແຫຼງ​ການຢັ້ງ​ຢືນ​ເລື່ອງ​ຜູ້​ນຳ​ປະ​ຕິ​ວັດ Fidel Castro ໄດ້​ເຖິງ​ແກ່​ມໍ​ລະ​ນະ​ກຳເປັນ​ເວ​ລາ​ໜຶ່ງວັນ ບໍ່​​ອາດເຮັດ​ໃຫ້​ບັນ​ດາ​ຄວາມ​ມາ​ນະ​ພະ​ຍາ​ຍາມ​ຂອງ ອາ​ເມ​ລິ​ກາ ໃນ​ການ​​ຫັນການ​ພົວ​ພັນ​ກັບ​ກູ​ບາ ເປັນ​ປົກ​ກະ​ຕິ​ຊັກ​ຊ້າ.

        ແລະ​ກໍ່​ໃນ​ວັນ​ດຽວ​ກັນ, ທ່ານນາງ​ອະ​ດີດ​ປະ​ທາ​ນາ​ທິ​ບໍ​ດີ ອັກ​ຊັງ​ຕີງ Cristina Fesnandez ໄດ້​ໄປ​ໄວ້​ອາ​ໄລ​ຜູ້​ນຳ Fidel Castro ຢູ່​ສະ​ຖານ​ທູ​ດ ກູ​ບາ ປະ​ຈຳ​ນະ​ຄອນຫຼວງ Buenos Aires. ​ຢູ່ນອ​ກ​ສະ​ຖານ​ທ​ູດ ກູ​ບາ, ປະ​ຊາ​ຊົນ ອັກ​ຊັງ​ຕີງ ນັບ​ຮ້ອຍ​ຄົນ​ໄດ້​ເຕົ້າ​ໂຮມ ແລະ ຮ້ອງ​ໂຮ່​ຄຳ​ຂວັນ​ທີ່​ວ່າ: “Fidel ໝັ້ນ​ຍືນ, ການ​ປະ​ຕິ​ວັດ ກູ​ບາ ໝັ້ນ​ຍືນ”.