ຕຳຫລວດຈີນລາດຕະເວັນຢູ່ເຂດປົກຄອງຕົນເອງຊີຈຽງ
ພາບ:AFP
|
(vovworld)- ເຫດບຸກໂຈມຕີຢູ່ເທດສະບານ ຊາຈີ ເກີດຂຶ້ນໃນຕອນເຊົ້າວັນທີ 29/7 ຢູ່ເທດສະບານ ຊາຈີ ຂຶ້ນກັບເຂດປົກຄອງດ້ວຍຕົນເອງ ກວຍອູເອີແຣນ ຂອງຈີນ. ຕຳຫລວດ ທ້ອງຖິ່ນໃຫ້ຮູ້ວ່າ: ເຫດບຸກໂຈມຕີດັ່ງກ່າວເກີດຂຶ້ນເມື່ອມີກຸ່ມຄົນຫນຶ່ງໄດ້ນຳໃຊ້ມີດບຸກໂຈມຕີປ້ອມຕຳຫລວດ ແລະ ຫ້້ອງການປົກຄອງບ້ານ ອີລີກກູ. ຫລັງຈາກນັ້ນ ຜູ້ບຸກໂຈມຕີຈຳນວນຫນຶ່ງໄດ້ໄປຍັງບ້ານ ຮວາງດີ ບຸກໂຈມຕີປະຊາຊົນ ແລະ ມ້າງທຳລາຍບັນດາພາຫະນະສັນຈອນ. ຕາມຂ່າວຄາວໃນເບື້ອງຕົ້ນແລ້ວ, ເຫດບຸກໂຈມຕີດັ່ງກ່າວໄດ້ເຮັດໃຫ້ປະຊາຊົນ ກວຍອູເອີແຣນ ນັບສິບໆຄົນຖືກເສຍຊີວິດ ແລະ ບາດເຈັບ. ໂອໂຕ 31 ຄັນຖືກມ້າງເພ. ຕຳຫລວດ ໄດ້ດັບສູນຕົວການຈຳນວນຫນຶ່ງຢູ່ກັບທີ່. ຕາມໝາກຜົນແຫ່ງການສືບສວນໃນເບື້ອງຕົ້ນແລ້ວ, ນີ້ແມ່ນເຫດບຸກໂຈມຕີກໍ່ການຮ້າຍຕາມແຜນການທີ່ໄດ້ວາງກ່ອນ.