ການພົບປະແລກປ່ຽນຂຳ່ນັບຮັບຕ້ອນບຸນປີໃໝ່ປະຈຳຊາດບາງປະເທດອາຊີ
(ພາບ: hanoimoi.com.vn)
(vovworld) - ຕອນບ່າຍວັນທີ 9/4, ເນື່ອງໃນໂອກາດບຸນປີໃໝ່ປະຈຳຊາດຂອງປະຊາຊົນບັນດາປະເທດ: ລາວ, ໄທ, ກຳປູເຈຍ, ມຽນມາ, ອິນເດຍ, ບັງກະລາເທດ ແລະ ສີລັງກາ, ສະຫະພັນບັນດາອົງການມິດຕະພາບນະຄອນຮ່າໂນ້ຍ ໄດ້ສົມທົບກັບບັນດາສະຖານທູດບາງປະເທດອາຊີ ພ້ອມກັບສະມາຄົມມິດຕະພາບ ຫວຽດນາມ-ລາວ; ຫວຽດນາມ-ກຳປູເຈຍ; ຫວຽດນາມ-ໄທ, ສະມາຄົມພຸດທະສາສະໜານະຄອນຮ່າໂນ້ຍ ເພື່ອຈັດຕັ້ງລາຍການອວຍພອນບຸນປີໃໝ່ປະຈຳຊາດຂອງປະຊາຊົນບັນດາປະເທດອາຊີ. ນະທີ່ນີ້, ທ່ານ ດ່າວວັນບີ່ງ, ປະທານແນວໂຮມປະເທດຊາດນະຄອນຮ່າໂນ້ຍ, ໃຫ້ຮູ້ວ່າ: “ລາຍການໄດ້ຮັບການຈັດຕັ້ງ ເພື່ອແນໃສ່ແບ່ງປັນບັນດາໄມຕິຈິດ ແລະ ຄວາມມ່ວນຊື່ນເນື່ອງໃນໂອກາດບຸນປີໃໝ່ຂອງບັນດາປະເທດອາຊີ. ຜ່ານລາຍການນີ້,ບັນດາເພື່ອນມິດສາກົນ ຈະຮັບຮູ້ໄດ້ອາລົມຈິດອັນດີງາມສະໜິດ ສະໜົມຂອງປະຊາຊົນນະຄອນຫຼວງ, ຜ່ານນັ້ນຮັດແໜ້ນການພົວພັນມິດຕະພາບ ລະຫວ່າງ ຫວຽດນາມ ແລະ ບັນດາປະເທດໃນໂລກກ່ວາ, ພິເສດແມ່ນບັນດາປະເທດໃນພາກພື້ນອາຊີ.
ແລະກໍ່ໃນໂອກາດບຸນປີໃໝ່ປະຈຳຊາດຂອງ ສປປ.ລາວ ແລະ Chol Chnam Thmey ຂອງລາຊະອານາຈັກກຳປູເຈຍ, ຕອນຄຳ່ວັນທີ 9/4, ຄະນະຊາວໜຸ່ມນະຄອນໂຮ່ຈິມິນ ໄດ້ຈັດຕັ້ງລາຍການພົບປະແລກປ່ຽນລະຫວ່າງນັກສຶກສາ 3 ປະເທດ ຫວຽດນາມ-ລາວ-ກຳປູເຈຍ.