(ພາບປະກອບ)(vovworld) - ສັນຍາການຄ້າເສລີ ຫວຽດນາມ - ສຳພັນທະມິດເສດຖະກິດອາຊີ - ເອີລົບ (EAEU): ທີ່ໄດ້ຮັບການລົງນາມເມື່ອວັນທີ 29/5/2015, ແລະ ເລີ່ມມີຜົນສັກສິດແຕ່ວັນທີ 5/10/2016. ຕາມບັນດາຄຳໝັ້ນສັນຍາໃນສັນຍາດັ່ງກ່າວແລ້ວ, FTA ແລະ EAEU ຈະຫຼຸດຜ່ອນພາສີໃຫ້ສິນຄ້າເກືອບ 90% ປະເພດ ແລະ ເປີດປະຕູຕະຫຼາດສຳລັບຂົງເຂດການຄ້າ ການບໍລິການ ແລະ ການລົງທຶນ. ໃນສະພາບການຄືດັ່ງກ່າວ, ເຄື່ອງຕ່ຳແຜ່ນຕັດຫຍິບ, ຜະລິດຕະພັນກະເສດ, ສິນໃນນ້ຳ, ເກີບໜັງ… ຂອງ ຫວຽດນາມ ຈະມີທ່າໄດ້ປຽບເມື່ອສົ່ງອອກເຂົ້າ 5 ປະເທດທີ່ຂຶ້ນກັບ ສຳພັນທະມິດເສດຖະກິດ. ກົງກັນຂ້າມ, ຫວຽດນາມ ຈະຍົກເວັ້ນພາສີນຳເຂົ້າສຳລັບສິນຄ້າກວ່າ 59% ປະເພດຈາກບັນດາປະເທດສຳພັນທະມິດເສດຖະກິດອາຊີ - ເອີລົບ, ລວມມີຊີ້ນ, ເຫຼົ້າ, ອຸປະກອນກົນຈັກ, ຜະລິດຕະພັນເຫຼັກກ້າ, ແປ້ງເຂົ້າຈີ່.
ຕາມຕົວເລກຂອງຄະນະກຳມະການເສດຖະກິດອາຊີ - ເອີລົບ ແລ້ວ, ການຄ້າສອງຝ່າຍລະຫວ່າງ ຫວຽດນາມ ກັບບັນດາປະເທດໃນ ສຳພັນທະມິດເສດຖະກິດອາຊີ - ເອີລົບ ບັນລຸ 4,3 ຕື້ USD ໃນປີ 2016. ໃນນັ້ນການສົ່ງອອກຂອງ ຫວຽດນາມ ໄປຍັງບັນດາປະເທດ ສຳພັນທະມິດເສດຖະກິດອາຊີ - ເອີລົບ ບັນລຸ 2,7 ຕື້ USD, ເພີ່ມຂຶ້ນ 18% ເມື່ອທຽບໃສ່ປີ 2015 ແລະ ນຳເຂົ້າປະມານ 1,6 ຕື້ USD, ຫຼຸດລົງກວ່າ 17%.