ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ພິທີ (ພາບ: TTXVN)

ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຟ້າມມິງຈິງ ຢັ້ງຢືນວ່າ: ການຫັນເປັນດີຈີຕອນແມ່ນທ່າອ່ຽງແນນອນ ທີ່ພວມດຳເນີນຢ່າງແຮງໃນທົ່ວໂລກ, ມີເອກະສານ ແລະ ມະຕິຂອງພັກຫຼາຍສະບັບໄດ້ເຕື້ອງເຖິງກ່ຽວກັບການຫັນເປັນດີຈີຕອນ, ເສດຖະກິດດີຈີຕອນ, ສັງຄົມດີຈີຕອນຢ່າງເລິກເຊິ່ງ. ລັດຖະບານ ຫວຽດນາມ ໄດ້ກຳນົດເປົ້າໝາຍຄວບຄູ່ແມ່ນ ທັງພັດທະນາລັດຖະບານດີຈີຕອນ, ເສດຖະກິດດີຈີຕອນ, ສັງຄົມດີຈີຕອນ, ທັງສ້າງບັນດາວິສາຫະກິດເຕັກໂນໂລຢີດີຈີຕອນ ຫວຽດນາມ ທີ່ມີກຳລັງຄວາມສາມາດແກ້ງແຍ້ງທົ່ວໂລກ ເພື່ອຫັນຄວາມຫວັງ ປະເທດຫວຽດນາມ ໝັ້ນຄົງເຂັ້ມແຂງ, ວັດທະນາຖາວອນໃຫ້ປະກົດຜົນເປັນຈິງ. ທ່ານນາຍົກລັດຖະມົນຕີ ເນັ້ນໜັກວ່າ:

ເພື່ອປະຕິບັດການຫັນເປັນດີຈີຕອນແຫ່ງຊາດຢ່າງມີປະສິດທິຜົນ, ແທດຈິງນັ້ນ, ມັນຮຽກຮ້ອງໃຫ້ການພວກເຮົາຕ້ອງມີຍຸດທະສາດຢ່າງມີແບບມີແຜນ, ປະຕິບັດຢ່າງມີຈຸດສຸມ, ຕ້ອງປ່ຽນແປງວິທີການຄຸ້ມຄອງ, ການເຄື່ອນໄຫວ, ບໍລິຫານສັງຄົມ. ທັດສະນະລຸລ່ວງຂອງ ລັດຖະບານ ແມ່ນຖືປະຊາຊົນ, ວິສາຫະກິດເປັນໃຈກາງ, ເປັນເຈົ້າຂອງ, ເປົ້າໝາຍ ແລະ ແມ່ນກຳລັງໜູນ, ແຫຼ່ງກຳລັງຂອງການຫັນເປັນດີຈີຕອນ. ການຫັນເປັນດີຈີຕອນຕ້ອງນຳຜົນປະໂຫຍດມາໃຫ້ປະຊາຊົນ, ວິສາຫະກິດ ຈາກການປະຕິບັດລະບຽບການບໍລິຫານສາທາລະນະ, ການໜູນຊ່ວຍສັງຄົມໃຫ້ສະດວກກ່ວາ, ໄວກ່ວາ, ມີປະສິດທິຜົນກ່ວາ ແລະ ປະຊາຊົນກໍ່ຈະສ້າງແຫຼ່ງກຳລັງໃຫ້ແກ່ການພັດທະນາ.