(VOVWORLD) -ຕອນເຊົ້າວັນທີ 11 ເມສາ, ຢູ່ ວັດ ໂຝມິງ ນະຄອນ ໂຮ່ຈີມິນ ໄດ້ດຳເນີນການຕ້ອນຮັບບຸນປີໃຫມ່ປະຈຳຊາດຂອງບັນດາປະເທດ: ກຳປູເຈຍ, ລາວ, ມຽນມາ ແລະ ໄທ ໂດຍສະຫະພັນບັນດາອົງການຈັດຕັ້ງມິດຕະພາບ ຢູ່ ນະຄອນ ຈັດຂຶ້ນ.
 ບັນດາຜູ້ແທນເຂົ້າຮ່ວມພິທີກຳຕ້ອນຮັບບຸນປີໃຫມ່. (ພາບ: ສຳນັກຂ່າວສານຫວຽດນາມ) |
ນີ້ແມ່ນການເຄື່ອນໄຫວຖືກຈັດຂຶ້ນປະຈຳປີ ເພື່ອແນໃສ່ແບ່ງປັນຄວາມເບີກບານມ່ວນຊື່ນຕໍ່ປະຊາຄົມບັນດາປະເທດອ້າຍນ້ອງໃນໂອກາດບຸນປີໃຫມ່ປະຈຳຊາດຂອງບັນດາປະເທດດັ່ງກ່າວ.
ກ່າວຄຳເຫັນນະພິທີ, ທ່ານນາງ ຟານທິຮົ່ງຊວນ, ປະທານສະມາຄົມມິດຕະພາບ ຫວຽດນາມ - ອາຊີຕາເວັນອອກສ່ຽງໃຕ້ ນະຄອນ ໂຮ່ຈີມິນ ໃຫ້ຮູ້ວ່າ: ບຸນປີໃຫມ່ປະຈຳຊາດຂອງ 4 ປະເທດ ກຳປູເຈຍ: ລາວ,ມຽນມາ ແລະ ໄທ ແມ່ນໂອກາດເພື່ອໃຫ້ປະຊາຊົນບັນດາປະເທດ ອາຊີຕາເວັນອອກສ່ຽງໃຕ້ ແຜ່ກະຈາຍຄຸນຄ່າທີ່ເປັນມູນເຊື້ອຂອງຊາດ, ແນະນຳພື້ນຖານວັດທະນະທຳຂອງແຕ່ລະປະເທດໃນປະຊາຄົມ ອາຊຽນ ຜ່ານນັ້ນ ມຸ່ງໄປເຖິງເປົ້າໝາຍກະຕຸ້ນການທ່ອງທ່ຽວ, ຟື້ນຟູເສດຖະກິດຫລັງໂຄວິດ 19.
ໃນບັນຍາກາດອັນເຂັ່ມຂຶມ, ບັນດາພະນັກງານສະຖານກົງສູນ, ຜູ້ຕາງຫນ້າວິສາຫະກິດ, ນັກສຶກສາຂອງບັນດາປະເທດດັ່ງກ່າວທີ່ພວມເຮັດວຽກ, ຮ່ຳຮຽນ ຢູ່ ນະຄອນ ໂຮ່ຈີມິນ ພ້ອມກັນປະຕິບັດພິທີກຳໃນວັນບຸນປີໃຫມ່ ຕາມຮີດຄອງປະເພນີຂອງ 4 ປະເທດ.