ການເຄື່ອນໄຫວຕ່າງໆສະເຫຼີມສະຫຼອງວັນຊາດຫວຽດນາມທີ 2/9

ວັນອາທິດ ທີ 2 ກັນຍາ ຄ.ສ. 2012 | 17:34:46

(ພາບປະກອບ)

(vovworld) - ຕອນເຊົ້າວັນທີ 2/9, ຢູ່ນະຄອນໂຮ່ຈິມິນ, ຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈິມິນ ໄດ້ຈັດຕັ້ງງານໂຮມຊຸມນຸມມິດຕິງສະເຫຼີມສະຫຼອງ 67 ປີແຫ່ງວັນການປະຕິວັດເດືອນສິງຫາ ສຳເລັດຜົນ ແລະ ວັນຊາດຫວຽດນາມທີ 2/9 ຢ່າງສົມກຽດ. ເຂົ້າຮ່ວມມີທ່ານ Nguyen Tan Dung ນາຍົກລັດຖະມົນຕີຫວຽດນາມ, ທ່ານ Phan Van Khai ອະດີດນາຍົກລັດຖະມົນຕີ, ທ່ານ Le Thanh Hai ກຳມະການກົມການເມືອງ, ເລຂາຄະນະພັກນະຄອນໂຮ່ຈິມິນ, ກ່າວຄຳເຫັນທີ່ພິທີ, ທ່ານ Le Hoang Quan, ປະທານຄະນະກຳມະການປະຊາຊົນນະຄອນໂຮ່ຈິມິນ ໄດ້ເນັ້ນໜັກວ່າ.

“ນຳໃຈການປະຕິວັດເດືອນສິງຫາທີ່ຍິ່ງໃຫຍ່ ແລະ ວັນຊາດທີ 2/9 ຈະບໍ່ມີວັນຈະຈືດຈາງໃນດວງໃຈຂອງປະຊາຊົນຫວຽດນາມ ແຕ່ລະຄົນ ແລະ ລຸ້ນຄົນຕໍ່ໄປ. ເພື່ອເປັນການສະເຫຼີມສະຫຼອງ 67 ປີແຫ່ງວັນການປະຕິວັດເດືອນສິງຫາ ແລະ ວັນຊາດຫວຽດນາມ ທີ 2/9 ຢ່າງແທດຈິງ, ພະນັກງານກໍຄືຊາວນະຄອນໂຮ່ຈິມິນ ແຕ່ລະຄົນ ໝັ້ນໝາຍວ່າພະຍາຍາມຜັນຂະຫຍາຍມູນເຊື້ອຮັກຊາດ, ປະຕິວັດທີ່ອົງອາດກ້າແກ່ນ, ເປັນເຈົ້າການມີຫົວຄິດປະດິດສ້າງຜ່ານຜ່າທຸກຄວາມຫຍຸ້ງຍາກ, ການທົດສອບ, ຍາດເອົາໄຊຊະນະຫຼາຍກວ່າອີກ ໃນບັນດາຂົງເຂດເຄື່ອນໄຫວເພື່ອສ້າງສາ, ພັດທະນາ ແລະ ປົກປັກຮັກສານະຄອນ, ໃຫ້ກາຍເປັນນະຄອນທີ່ສີວິໄລ, ທັນສະໄໝ, ສົມກັບເປັນນະຄອນທີ່ມີຊື່ປະທານໂຮ່ຈິມິນ ຍິ່ງໃຫຍ່, ປະກອບສ່ວນໃຫຍ່ຫຼວງເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ, ປະຕິບັດຈຸດໝາຍ “ປະຊາຊົນຮັ່ງມີ: ປະເທດຊາດເຂັ້ມແຂງ, ປະຊາທິປະໄຕ, ຍຸດຕິທຳ ແລະ ສີວິໄລ” ຢ່າງມີໄຊ, ເພື່ອກ້າວຂຶ້ນສູ່ລັດທິສັງຄົມນິຍົມ. ”

ການເຄື່ອນໄຫວຕ່າງໆສະເຫຼີມສະຫຼອງວັນຊາດຫວຽດນາມທີ 2/9 - ảnh 2

(ພາບປະກອບ)

ແລະກໍ່ໃນວັນດຽວກັນຢູ່ບັນດາທ້ອງຖິ່ນໃນທົ່ວປະເທດ ໄດ້ດຳເນີນການເຄື່ອນໄຫວສະເຫຼີມສະຫຼອງ 67 ປີແຫ່ງວັນການປະຕິວັດເດືອນສິງຫາ ແລະ ວັນຊາດຫວຽດນາມ ທີ 2/9. ຢູ່ຫໍບູຊາປະທານໂຮ່ຈິມິນ, ທີ່ຕາແສງ Chau Thoi, ເມືອງ Vinh Loi, ແຂວງ Bac Lieu, ດ້ຈັດພິທີ່ຖະຫວາຍທູບຖຽນບູຊາເນື່ອງໃນໂອກາດວັນເຖິງແກ່ມໍລະນະກຳຂອງປະທານໂຮ່ຈິມິນ (2/9/1969 – 2/9/2012). ການນຳ ແລະ ປະຊາຊົນແຂວງ Bac Lieu ໝັ້ນໝາຍວ່າຈະສືບຕໍ່ເດີນຕາມເສັ້ນທາງເຊິ່ງພັກ ແລະ ປະທານໂຮ່ຈິມິນ ໄດ້ເລືອກເຟັ້ນ ແມ່ນສາມັກຄີ, ສູ້ຊົນສ້າງສາບ້ານເກີດເມືອງນວນ Bac Lieu ໃຫ້ນັບມື້ນັບຮັ່ງມີເຂັ້ມແຂງ.

ສ່ວນຢູ່ແຂວງ Tien Giang, ປະຊາຊົນນັບຮ້ອຍຄົນ ໄດ້ໄປຖະຫວາຍທູບຖຽນບູຊາ ຢູ່ເຮືອນຂອງທ່ານ Tran Thanh Binh, ພະນັກງານພັກກິນເບ້ຍບຳນານ ຢູ່ບ້ານ Tan Thien, ຕາແສງ Tan Phong, ເມືອງ Cai Lay, ຈັດຕັ້ງພິທີໄຫວ້ບູຊາອາໄລຫາປະທານໂຮ່ຈິມິນ. ນີ້ແມ່ນຄັ້ງທີ 15 ເຊິ່ງທ່ານ Tran Thanh Binh ຮັກສາການຈັດຕັ້ງພິທີທີ່ມີຄວາມໝາຍນີ້. ທ່ານ Tran Thanh Binh ໃຫ້ຮູ້ວ່າ.

“ຂ້າພະເຈົ້າຄິດເຖິງບຸນຄຸນຢ່າງມະຫາສານຂອງເພີ່ນ ເພາະສະນັ້ນຂ້າພະເຈົ້າຢາກເຮັດວຽກງານໃດໜຶ່ງເພື່ອໃຫ້ປະຊາຊົນປະຕິບັດຕາມ, ກໍຄືຕັກເຕື່ອນໃຫ້ປະຊາຊົນເຂົ້າໃຈວ່າ: ປະທານໂຮ່ຈິມິນ ແມ່ນຄົນສ້າງຕັ້ງ ພັກກອມມູນິດຫວຽດນາມ. ຂ້າພະເຈົ້າຄິດວ່າ ຕະຫຼອດຊີວິດຂອງເພີ່ນ ແມ່ນອຸທິດສ່ວນໃຫ້ແກ່ປະຊາຊົນ”.

ສຳລັບພໍ່ແມ່ປະຊົນບັນດາເຜົ່າຢູ່ເຂດທາງທິດຕາເວັນຕົກສ່ຽງເໜືອຂອງຫວຽດນາມນັ້ນ, ວັນທີ 2/9 ແມ່ນວັນສຳຄັນຍິ່ງມີຄວາມໝາຍຢ່າງໃຫຍ່ຫຼວງໃນການດຳລົງຊີວິດ. ຍ້ອນມີພັກ, ມີປະທານໂຮ່ຈິມິນນັ້ນ, ປະຊາຊົນຈຶ່ງມີສິດເສລີພາບ, ມີຄວາມອີ່ມໜຳສຳລານ ແລະ ສົມບູນພູນສຸກ. ທ່ານ ດຣ Tran huu Son ຫົວໜ້າພະແນກວັດທະນະທຳ ກິລາ ແລະ ທ່ອງທ່ຽວ ແຂວງລາວກາຍໃຫ້ຮູ້ວ່າ :

“ ຕະຫຼາດນັດໃນຊຸມວັນບຸນໃຫຍ່ຂອງຊາດແມ່ນມີຜູ້ມາຊື້ຂາຍຢ່າງໜາແໜ້ນ. ຕະຫຼາດຢູ່ ບັກຮ່າ, ເມື່ອງເຄື່ອງຢູ່ແຂວງ ລ່າວກາຍ ໃນຊຸມວັນນີ້ ແມ່ນຟົດຟື້ນມ່ວນຊື່ນ ຄັບຄາໜາແໜ້ນກ່ວາມື້ທຳມະດາ. ຊາວເຜົ່າມົ້ງຢູ່ ບັກຮ່າ, ເມື່ອງເຄືອງ, ສີມາກາຍຍັງຂ້າມປ່າໄປຮອດ ໂມກເຈົາເພື່ອເຂົ້າຮ່ວມວັນບຸນໃຫຍ່ຂອງຊາດກັບຊາວເຜົ່າມົ້ງຢູ່ແຂວງ ເຊີນລາ ” .

ສ່ວນນາງ Vu Thi Pang ຢູ່ບ້ານ ຕາເພງ, ຕາແສງ ເຕີນເລີບ, ເມືອງໂມກເຈົາ ແຂວງເຊີນລາ ໃຫ້ຮູ້ວ່າ :

“ ໃນວັນບຸນໃຫຍ່ຂອງຊາດ, ພໍ່ແມ່ປະຊາຊົນມີຄວາມເບີກບານມ່ວນຊື່ນແທ້. ທຸກໆຄົນຕ່າງກໍໄປທ່ຽວຫຼິ້ນ, ປີໃດກໍເຊັ່ນດຽວກັນ, ເຖິງວ່າຈະຢູ່ໄກແນວໃດກໍຢາ, ກໍລ້ວນແຕ່ຊັກຊວນກັນໄປເມືອງເພື່ອຮ່ວມຄວາມມ່ວນຊື່ນກັບທຸກໆຄົນ . ປະຈຸບັນ ມີຊີວິດທີ່ອີ່ມໜຳສຳລານ, ພໍ່ແມ່ປະຊາຊົນມີຄວາມຮູ້ບຸນຄຸນຕໍ່ລຸງໂຮ່, ຕໍ່ພັກຫຼາຍທີສຸດ ” .

ໃນຂະນະດຽວກັນ, ສະຖານທູດຫວຽດນາມປະຈຳ ການາດາ, ເມັກຊິກໂກ ແລະ ປະເທດອື່ນໆ ກໍລ້ວນແຕ່ຈັດການເຄື່ອນໄຫວສະເຫຼີມສະຫຼອງ ວັນຊາດຫວຽດນາມ 2/9 ຄົບຮອບ 67 ປີ .