(vovworld) - ຕອນບ່າຍວັນທີ 25/01, ທ່ານເອກອັກຄະລັດຖະທູດຫວຽດນາມ ປະຈຳລາວ ຫງວຽນບ໋າຮຸ່ງ ໄດ້ໄປຢ້ຽມຢາມ, ອວຍພອນບຸນເຕັດ ແລະ ມອບຂອງຂວັນໃຫ້ບັນດາຄອບຄົວພະນັກງານນັກປະຕິວັດຜູ້ອາວຸໂສທີ່ມີຜົນງານຕໍ່ການປະຕິວັດ ປະຈຸບັນພວມດຳລົງຊີວິດຢູ່ລາວ. ທ່ານເອກອັກຄະລັດຖະທູດ ຫງວຽນບ໋າຮຸ່ງ ໄດ້ຕາງໜ້າໃຫ້ພັກ, ລັດ ແລະ ປະຊາຊົນຫວຽດນາມ ທຸກຄົນຢູ່ພາຍໃນປະເທດ ກໍຄືປະຊາຄົມຊາວຫວຽດນາມ ອາໄສຢູ່ລາວ, ສະແດງຄວາມຂອບອົກຂອບໃຈຕໍ່ການເສຍສະຫຼະອັນສູງສົ່ງຂອງບັນດາຄອບຄົວໃນໄລຍະສົງຄາມ, ບັນດາການປະກອບສ່ວນອັນໃຫຍ່ຫຼວງຂອງເຂົາເຈົ້າໃຫ້ການປະຕິວັດ, ໃຫ້ປະເທດລາວ ອ້າຍນ້ອງ. ທ່ານເອກອັກຄະລັດຖະທູດ ເຊື່ອໝັ້ນວ່າ ບັນດາຄອບຄົວຈະສືບຕໍ່ມູນເຊື້ອຄອບຄົວປະຕິວັດ, ບັນດາພະນັກງານນັກປະຕິວັດຜູ້ອາວຸໂສສືບຕໍ່ໃຫ້ພາລະກິດພັດທະນາເສດຖະກິດ, ສັງຄົມຂອງປະເທດລາວ ອ້າຍນ້ອງ ແລະ ຍາມໃດອວ່າຍໜ້າເມືອຫາບ້ານເກີດເມືອງນອນປະເທດຫວຽດນາມ.
ແລະກໍໃນຕອນຄ່ຳວັນທີ 25/01, ຢູ່ Alger, ຄະນະປະຕິບັດງານຂອງສະຖານທູດຫວຽດນາມ ປະຈຳ ອາເຊຣີ ໄດ້ອວຍພອນບັນດາພະນັກງານ, ນັກວິສາວະກອນຂອງບໍລິສັດຮ່ວມທຸລະກິດອ້າຍແກັດລະຫວ່າງບໍລິສັດສຳຫຼວດ ແລະ ຂຸດຄົ້ນນ້ຳມັນອາຍແກັດຫວຽດນາມ, Sonatrach - ກຸ່ມບໍລິສັດພະລັງງານແຫ່ງຊາດ ອາເຊຣີ ແລະ PTTEP (ໄທ) ເນື່ອງໃນໂອກາດບຸນເຕັດປີລະກາ 2017.