ການເຄື່ອນໄຫວສະເຫຼີມສະຫຼອງ71ປີແຫ່ງວັນຊາດຫວຽດນາມຢູ່ຕ່າງປະເທດ
ພາບປະກອບ
(vovworld) – ຕອນຄຳ່ວັນທີ 2/9, ສະຖານທູດ ຫວຽດນາມ ປະຈຳ ອີຢິບ ໄດ້ຈັດຕັ້ງພິທີສະເຫຼີມສະຫຼອງ 71 ປີແຫ່ງວັນສະຖາປະນາປະເທດ ສສ ຫວຽດນາມ (2/9/1945 – 2/9/2016), ດ້ວຍການເຂົ້າຮ່ວມຂອງພະນັກງານ, ພາລະກອນສະຖານທູດ, ບັນດາອົງການຢູ່ອ້ອມຂ້າງ ແລະ ພໍ່ແມ່ຊາວ ຫວຽດນາມ ພວມດຳລົງຊີວິດ, ຮຳ່ຮຽນ ແລະ ປະຕິບັດງານຢູ່ ອາຢິບເປັນຈຳນວນຫຼວງຫຼາຍ. ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດ ຫວຽດນາມ ປະຈຳ ອີຢິບ ໂດ໋ຮ່ວາງລອງ ໄດ້ຊີ້ແຈ້ງຄວາມໝາຍຍິ່ງໃຫຍ່ຂອງວັນຊາດ ຫວຽດນາມ 2/9 ແລະ ທົບທວນຄືນຂີດໝາຍທີ່ພິລະອາດຫານຂອງປະຊາຊົນ ຫວຽດນາມ ນັບແຕ່ເມື່ອປະທານ ໂຮ່ຈີມິນ ອ່ານຖະແຫຼງປະກາດເອກະລາດກ່ອນນີ້ 71 ປີ.
ແລະກໍ່ໃນວັນດຽວກັນ, ສະຖານທູດ ຫວຽດນາມ ປະຈຳ ສະຫະພັນລັດເຊຍ ກໍ່ໄດ້ໄປວາງພວມມາລາຢູ່ອະນຸສາວາລີປະທານ ໂຮ່ຈີມິນ ທີ່ສະໜາມຫຼວງໃສ່ຊື່ເພີ່ນຢູ່ນະຄອນຫຼວງ ມົດສະກູ.