ພາບປະກອບ
(vovworld) – ເນື່ອງໃນໂອກາດພິທີງານບູນວິສາຂະບູຊາ ພສ 2557, ການນຳຄະນະພັກແຂວງອານຢາງ, ສະພາປະຊາຊົນ, ຄະນະກຳມະການປະຊາຊົນ, ຄະນະຂົນຂວາຍປະຊາຊົນຄະນະພັກແຂວງ, ແນວໂຮມປະເທດຊາດແຂວງ, ຄະນະສາສະໜາໄດ້ມາຢ້ຽມຢາມ, ອວຍພອນຄະນະບໍລິຫານພຸດທະສາສະໜາແຂວງອານຢາງ ແລະ ວັດວາອາຮາມ 73 ແຫ່ງ ກໍ່ຄືຜູ້ມີຍົດຖາບັນດາສັກທີ່ດີເດັ່ນຂອງພຸດທະສາສະໜາໃນທົ່ວແຂວງ. ຄະນະໄດ້ຍ້ອງຍໍສັນລະເສີນການປະກອບສ່ວນຂອງບັນດາວັດວາອາຮາມ ແລະ ພຸດທະສາສະນິກະຊົນໃນບໍລິເວນແຂວງທີ່ມີຕໍ່ການພັດທະນາເສດຖະກິດ - ສັງຄົມຂອງທ້ອງຖີ່ນ, ພິເສດແມ່ນວຽກງານຮັບປະກັນຊີວິດສັງຄົມ.
ຕອນຄຳ່ວັນທີ 17/5, ຢູ່ວັດຈົ່ວຮາງ - ກິມເຊີນຕຶ້ ຂຶ້ນກັບເທດສະບານ ຈົ່ວຮາງ, ເມືອງດົ່ງຫິ, ແຂວງທ໋າຍງວຽນ, ພິທີງານບູນວິສາຂະບູຊາ ພສ 2557 ກໍ່ຖືກຈັດຂຶ້ນ ດ້ວຍຫົວຂໍ້ວ່າ “ພະພຸດປະກົດ - ໂລກສັນຕິພາບ - ມວນຊົນຢູ່ເຢັນເປັນສຸກ“. ທີ່ງານບຸນ, ບັນດາຜູ້ແທນພ້ອມກັບພະສົງສາມະເນນ, ພຸດທະສາສະນິກະຊົນໄດ້ຮັບຟັງສານຂອງພະມະຫາອາຈານຂອງພຸດທະສາສະໜາຫວຽດນາມກ່ຽວກັບຄວາມໝາຍຂອງງານບຸນ ແລະ ຮຽກຮ້ອງພະສົງສາມະເນນ, ພຸດທະສາສະນີກະຊົນ ພ້ອມກັບປະຊາຊົນມຸ່ງໄປສູ່ຄູນຄ່າວັດທະນະທຳມະນຸດທີ່ດີງາມຂອງສາສະໜາພຸດ, ພ້ອມທັງຢືນຢັນວ່າສາສະໜາພຸດຈະມີການພົວພັນຢ່າງແໜ້ນແຟ້ນກັບຊາດຫວຽດນາມໃນແຕ່ລະໄລຍະທາງປະຫວັດສາດ.
ແລະກໍ່ໃນວັນດຽວກັນ, ສະມາຄົມສາສະໜາແຂວງກວາງນິງ ກໍ່ຈັດຕັ້ງພິທີງານບູນວິສາຂະບູຊາ ພສ 2557 ຢ່າງສົມກຽດ ຢູ່ວັດຈິ່ງ, ອຽນຕື.