ພາບປະກອບ
|
(vovworld) – ວັນທີ 4/2, ສູນກາງສະຫະພັນຊາວໜຸ່ມ ຫວຽດນາມ ພ້ອມກັບຫົວໜ່ວຍອຸປະຖຳ ໄດ້ສົມທົບກັນຈັດຕັ້ງການເຄື່ອນໄຫວມອບຂອງຂວັນກ່ວາ 1.600 ພູດ ແລະ ປີ້ລົດໃຫ້ຄົນງານຍິງກັບເມືອບ້ານຕ້ອນຮັບບຸນປີໃໝ່ປະຈຳຊາດປີວອກ 2016. ເນື່ອງໃນໂອກາດນີ້, ຢູ່ນະຄອນ ໂຮ່ຈີມິນ, ແຂວງ ບີ່ງເຢືອງ, ຮືງອຽນ ກໍ່ໄດ້ຈັດຕັ້ງການເຄື່ອນໄຫວຕ່າງໆຄືມອບຂອງຂວັນ, ປີ້ລົດໃຫ້ບັນດາກຳມະກອນຍິງ ກັບເມືອບ້ານຕ້ອນຮັບບຸນເຕັດ. ຍອດຈຳນວນເງິນຊື້ປີ້ລົດ ແລະ ຂອງຂວັນມີມູນຄ່າກ່ວາ 1 ຕື້ດົ່ງ.
ສະພາກາແດງແຂວງ ບັກກ້ານ ໄດ້ສົມທົບກັບຄະນະຂົນຂວາຍປະຊາຊົນຄະນະພັກແຂວງ, ສະຫະພັນແມ່ຍິງແຂວງພ້ອມກັບບັນດາຫົວໜ່ວຍອຸປະຖຳໄດ້ຈັດຕັ້ງລາຍການມອບຂອງຂວັນບຸນເຕັດໃຫ້ຜູ້ທຸກຍາກຢູ່ເມືອງ ປັກນຳ້ ແລະ ມອບເຂົ້າຕົ້ມໃຫ້ຄົນເຈັບທຸກຍາກ, ຜູ້ເຖົ້າຢູ່ໂດດດຽວ, ເດັກກຳພ້າໃນບໍລິເວນເມືອງ ບັກກ້ານ.
ແຂວງ ອານຢາງ ກໍ່ໄດ້ຈັດຕັ້ງ “ການແຂງຂັນຫໍ່ເຂົ້າຕົ້ມລະດູບານໃໝ່ປີວອກ 2016”. ຢູ່ແຂວງ ລອງອານ, ສະຫະພັນແຮງງານແຂວງ ໄດ້ຂົນຂວາຍບັນດາຜູ້ໃຈບຸນໃຈກຸສົນ, ບັນດານັກວິສາຫະກິດຢ້ຽມຢາມ ແລະ ມອບຂອງຂວັນກ່ວາ 1.549 ພູດໃຫ້ກຳມະກອນ.
ຢູ່ຕາແສງ Ia Xier, ເມືອງ ຊາໄຖ່, ກອງບັນຊາການທະຫານແຂວງ ກອນຕຸມ ໄດ້ຈັດຕັ້ງວັນບຸນເຂົ້າຕົ້ມຂຽວເພື່ອຜູ້ທຸກຍາກບຸນປີໃໝ່ປະຈຳຊາດປີວອກ 2016.