ທ່ານຮອງລັດຖະມົນຕີການຕ່າງປະເທດອີຕາລີ Bruno Archi
(ພາບ: ອິນເຕີແນດ)
(vovworld) – ໂດຍຜັນຂະຫຍາຍຂໍ້ຕົກລົງຂອງຖະແຫຼງການຮ່ວມກ່ຽວກັບການສ້າງຕັ້ງການພົວພັນຄູ່ຮ່ວມມືຍຸດທະສາດຫວຽດນາມ - ອີຕາລີ ເຊິ່ງໄດ້ຮັບການລົງນາມເມື່ອວັນທີ 21/1/2013, ໃນການຢ້ຽມຢາມທາງລັດຖະກິດເຖິງອີຕາລີຂອງທ່ານເລຂາທິການໃຫຍ່ ຫງວຽນຟູ໋ຈ້ອງ, ວັນທີ 22/7, ທ່ານຮອງລັດຖະມົນຕີການຕ່າງປະເທດຫວຽດນາມ ບູ່ຍແທງເຊີນ ແລະ ທ່ານຮອງລັດຖະມົນຕີການຕ່າງປະເທດອີຕາລີ Bruno Archi ໄດ້ເປັນປະທານຮ່ວມການເຈລະຈາຍຸດທະສາດຫວຽດນາມ - ອີຕາລີ ຄັ້ງທຳອິດຢູ່ຮ່າໂນ້ຍ. ທີ່ການປະຊຸມ, ສອງຝ່າຍໄດ້ເຫັນດີຄວນຮັກສາບັນດາກົນໄກທາບທາມລະຫວ່າງກະຊວງ, ຂະແໜງການຕ່າງໆຂອງສອງປະເທດໃນແຕ່ລະຂົງເຂດຮ່ວມມື; ເຫັນດີສ້າງຕັ້ງຄະນະກຳມະການປະສົມກ່ຽວກັບການຮ່ວມມືດ້ານເສດຖະກິດ ແລະ ຈັດຕັ້ງການປະຊຸມຄະນະກຳມະການປະສົມກ່ຽວກັບວິທະຍາສາດ ແລະ ເຕັກໂນໂລຢີໂດຍໄວ. ທັງສອງຝ່າຍກໍ່ແລກປ່ຽນບັນດາບັນຫາສາກົນ ແລະ ພາກພື້ນເຊິ່ງຕ່າງຝ່າຍຕ່າງມີຄວາມສົນໃຈ; ພ້ອມທັງຢັ້ງຢືນວ່າ, ກະຊວງການຕ່າງປະເທດສອງປະເທດຈະສືບຕໍ່ຮ່ວມມືຢ່າງແໜ້ນແຟ້ນຢູ່ບັນດາເວທີປາໄສສາກົນ ແລະ ພາກພື້ນ. ອີຕາລີສະໜັບສະໜູນຫວຽດນາມ ໃນການພັດທະນາການພົວພັນຮອບດ້ານກັບອີຢູ, ສະໜັບສະໜູນເລື່ອງອີຢູຮັບຮອງຫວຽດນາມ ມີລະບຽບການເສດຖະກິດຕະຫຼາດຢ່າງຄົບຖ້ວນ ແລະ ຈະສິ້ນສຸດການເຈລະຈາສັນຍາການຄ້າເສລີ (AFTA) ລະຫວ່າງຫວຽດນາມ - ອີຢູ ໂດຍໄວ