ທ່ານເອກອັກຄະລັດຖະທູດ ຫວູໂຮ່, ຮັກສາການຫົວໜ້າເຈົ້າໜ້າທີ່ອາວຸໂສ (SOM) ອາຊຽນ ຫວຽດນາມ (ພາບ: baoquocte.vn)

ກ່າວຄຳເຫັນຕາງໜ້າໃຫ້ບັນດາປະເທດ ອາຊຽນ ກ່ຽວກັບຫົວຂໍ້ຄູ່ຮ່ວມມືເພື່ອປະຊາຊົນ, ທ່ານເອກອັກຄະລັດຖະທູດ ຫວູໂຮ່ ເນັ້ນໜັກວ່າ ປະຊາຊົນແມ່ນໃຈກາງ, ແມ່ນເຈົ້າກຳໃນຄວາມມານະພະຍາຍາມຮັບມືກັບໂລກລະບາດ ແລະ ຊຸກຍູ້ການຟື້ນຟູ ມຸ່ງໄປເຖິງການພັດທະນາແບບຍືນຍົງ, ໂດຍສະເພາະແມ່ນໃນສະພາບທີ່ຫຍຸ້ງຍາກຄືໃນປັດຈຸບັນ.

        ທ່ານເອກອັກຄະລັດຖະທູດ ຫວູໂຮ່ ສະເໜີໃຫ້ ສອງຝ່າຍສືບຕໍ່ໃຫ້ບຸລິມະສິດສູງໃນການສົມທົບກັນຮັບມືກັບໂລກລະບາດໂຄວິດ - 19, ຮັບປະກັນການສຳຜັດ ແລະ ສະໜອງວັກຊິນ, ຢາປິ່ນປົວຢ່າງຄົບຖ້ວນ ແລະ ສະເໝີກັນ, ເປັນເຈົ້າການຮັບມືກັບການແຜ່ລາມຂອງໂລກລະບາດໃນອະນາຄົດ; ສືບຕໍ່ຍູ້ແຮງການຮ່ວມມືໃນຂົງເຂດສຶກສາ - ເຊິ່ງເປັນຂົງເຂດຮ່ວມມືຈຸດສຸມລະຫວ່າງ ອາຊຽນ ແລະ ນິວຊີແລນ; ພ້ອມທັງປາດຖະໜາຢາກໃຫ້ ສອງຝ່າຍສືບຕໍ່ຮັກສາ ແລະ ຊຸກຍູ້ການເຄື່ອນໄຫວຮ່ວມມືທີ່ພວມມີຢູ່, ໃນນັ້ນ ຢາກໃຫ້ ນິວຊີແລນ ໃຫ້ບຸລິມະສິດໜູນຊ່ວຍ ອາຊຽນ ພັດທະນາແຫຼ່ງຊັບພະຍາກອນທີ່ມີຄຸນນະພາບສູງ. ທ່ານເອກອັກຄະລັດຖະທູດ ຫວູໂຮ່ ຢັ້ງຢືນວ່າ, ຫວຽດນາມ ພ້ອມແລ້ວທີ່ຈະສົມທົບກັບ ນິວຊີແລນ ແລະ ບັນດາປະເທດ ອາຊຽນ ຍົກສູງກຳລັງຄວາມສາມາດສ້າງລະບົບການສຶກສາໃນພາກພື້ນໃຫ້ເຂັ້ມແຂງດ້ວຍຕົນເອງ, ເປັນເຈົ້າການຮັບມືກັບສິ່ງທ້າທາຍນາໆປະການໃນອະນາຄົດ.