( vovworld ) – ໃນວັນທີ 25/3 ທີ່ຈະມາເຖິງ, ຢູ່ນະຄອນ ບວນເມທວດ, ປະຕູຖານຂໍ້ມູນຂ່າວເອເລກໂຕນິກຂອງລັດຖະບານ ໄດ້ຈັດລາຍການໂອ້ລົມສົນທະນາໂດຍກົງຜ່ານເຄື່ອຄ່າຍອິນເຕີແນດດ້ວຍຫົວຂໍ້ວ່າ “ ໄຕຫງວຽນ ກັບວຽກງານລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ ”. ບັນດາບັນຫາທີ່ແລກປ່ຽນກັບແຂກຖືກເຊີນກ່ຽວຂ້ອງເຖິງບາງເນື້ອໃນຄື້; ສະພາບຕົວຈິງ ແລະ ຄວາມຫຍຸ້ງຍາກຂອງວຽກງານລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກສຳລັບບໍລິເວັນບັນດາແຂວງໄຕຫງວຽນ, ພິເສດແມ່ນສຳລັບເປົ້າໝາຍປະຊາຊົນອົບພະຍົບຢ່າງເສລີ, ປະຊາຊົນເຜົ່າສ່ວນໜ້ອຍຢູ່ບັນດາທ້ອງຖິ່ນ, ບັນດານະໂຍບາຍໃຫ້ບຸລິມະສິດກັບກຸ່ມເປົ້າໝາຍດັ່ງກ່າວ ແລະ ວິທີຫຼຸດຜົ້ນອອກຈາກຄວາມທຸກຍາກຢ່າງໝັ້ນຄົງ.
ຜ່ານການໂອ້ລົມສົນທະນາ, ຄວາມມານະພະຍາຍາມຂອງບັນດາທ້ອງຖິ່ນເຂດ ໄຕຫງວຽນ ໃນວຽກງານລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ ຈະຖືກສະແດງອອກຢ່າງຈະແຈ້ງ, ຜ່ານນັ້ນບັນດາທ້ອງຖິ່ນພ້ອມກັນແບ່ງປັນບົດຮຽນຕ່າງໆ, ເສີມຂະຫຍາຍບັນດາຂໍ້ລິເລີມທີ່ດີ, ວິທີແກ້ໄຂທີ່ດີ ພ້ອມທັງສະເໜີນະໂຍບາຍ, ວິທີການແກ້ໄຂຢ່າງລະອຽດຕໍ່ສູນກາງ ເພື່ອແນໃສ່ແກ້ໄຂຄວາມຫຍຸ້ງຍາກ, ຊ່ວຍໃຫ້ເຂດ ໄຕຫງວຽນ ພັດທະນາຢ່າງໝັ້ນຄົງ.