ບັນດານັກທຸລະກິດ ຊື່ງແມ່ນຊາວຫວຽດນາມອາໄສຢູຕ່າງປະເທດ
ພາບປະກອບ:baodiendan
|
(vovworld)- ກອງປະຊຸມຊາວຫວຽດນາມອາໄສຢູ່ບັນດາປະເທດໃນທົ່ວໂລກປີ 2016 ດ້ວຍຫົວຂໍ້ວ່າ: “ຊາວຫວຽດນາມ ອາໄສຢູ່ຕ່າງປະເທດ ຮ່ວມແຮງຮ່ວມໃຈກໍ່ສ້າງນະຄອນໂຮ່ຈິມີນ ພັດທະນາຢ່າງວ່ອງໄວ, ໝັ້ນຄົງ ແລະ ເຊື່ອມໂຍງເຂົ້າກັບສາກົນ” ດຳເນີນໄປແຕ່ວັນທີ 11-14/11/2016 ຢູ່ ນະຄອນ ໂຮ່ຈິມີນ. ທຸກວຽກງານກະກຽມໄດ້ສຳເລັດໂດຍພື້ນຖານແລ້ວ. ກອງປະຊຸມຄັ້ງນີ້ ຈະເຕົ້າໂຮມຜູ້ແທນກວ່າ 500 ຄົນ ຊື່ງແມ່ນຜູ້ຊ່ຽວຊານ, ນັກຮຽນຮູ້, ນັກທຸລະກິດ ຊາວຫວຽດນາມ ອາໄສຢູ່ 36 ປະເທດ ແລະ ເຂດແຄ້ວນເຂົ້າຮ່ວມ. ທ່ານ ເຈີນຮ່ວາເຟືອງ, ຮອງຫົວຫນ້າປະຈຳ ຄະນະກຳມະການແຫ່ງລັດ ກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໃຫ້ຮູ້ວ່າ:
“ຄະນະກຳມະການແຫ່ງລັດ ກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ ແລະ ຄະນະກຳມະການປະຊາຊົນນະຄອນ ໂຮ່ຈິມີນ ໄດ້ສົມທົບກັນຈັດຕັ້ງກອງປະຊຸມ ເພື່ອເຮັດແນວໃດບັນລຸປະສິດທິຜົນ. ຊາວຫວຽດນາມ ອາໄສຢູ່ຕ່າງປະເທດ ອາດຈະປະກອບຄຳເຫັນເພື່ອສ້າງສາ ແລະ ພັດທະນານະຄອນ ໂຮ່ຈິມີນ ແບບຍືນຍົງ ແລະ ເຊື່ອມໂຍງເຂົ້າກັບສາກົນ, ເປັນນະຄອນນຳຫນ້າທົ່ວປະເທດ”