ຄລິບເພງ ຫວຽດນາມໝັ້ນໃຈ ໄດ້ນຳມາສະເໜີຕໍ່ມະຫາຊົນດ້ວຍຄວາມປາດຖະໜາ ສົ່ງສານຕ່າງໆກ່ຽວກັບນ້ຳໃຈຄວາມສາມັກຄີ, ຮຽກຮ້ອງປະຊາຊົນສ້າງຄວາມຊິນເຄີຍຕ່າງໆໃຫ້ແທດເໝາະກັບສະພາບການໃໝ່, ປະຕິບັດເປົ້າໝາຍຄວບຄູ່  (ພາບ: hanoimoi.com.vn)

       ໄປຄຽງຄູ່ກັນນັ້ນ, ຄລິບດັ່ງກ່າວ ຈະໄດ້ເອົາລົງໃນຊ່ອງສື່ສານຂອງໂຄງການພັດທະນາ ສປຊ, ສະຖາບັນສຸຂະພາບອາຊີບ ແລະ ສິ່ງແວດລ້ອມ, Grab ຫວຽດນາມ, ບັນດາໂປຼແກຼມກ່ຽວກັບດົນຕີຂອງຫວຽ,ນາມ ແລະ ສາກົນຄື Spotify, Facebook, Keeng…. ຄລິບເພງ “ຫວຽດນາມໝັ້ນໃຈ” ແມ່ນບົດເພງພັນລະນາກ່ຽວກັບບັ້ນໂຄສະນາການປ້ອງກັນ, ຕ້ານໂລກລະບາດໂຄວິດ - 19 ດ້ວຍຫົວຂໍ້ “ຄວາມເຊື່ອໝັ້ນຕໍ່ໄຊຊະນະ” ໂດຍກະຊວງສາທາລະນະສຸກສົມທົບກັບໂຄງການພັດທະນາ ສປຊ ແລະ ສະຖາບັນສຸຂະພາບອາຊີບ ແລະ ສິ່ງແວດລ້ອມ ຈັດຕັ້ງປະຕິບັດ. ຄລິບດັ່ງກ່າວໄດ້ນຳມາສະເໜີຕໍ່ມະຫາຊົນດ້ວຍຄວາມປາດຖະໜາ ສົ່ງສານຕ່າງໆກ່ຽວກັບນ້ຳໃຈຄວາມສາມັກຄີ, ຮຽກຮ້ອງປະຊາຊົນສ້າງຄວາມຊິນເຄີຍຕ່າງໆໃຫ້ແທດເໝາະກັບສະພາບການໃໝ່, ປະຕິບັດເປົ້າໝາຍຄວບຄູ່ ທັງປ້ອງກັນ, ສະກັດກັ້ນໂລກລະບາດຢ່າງມີປະສິດທິຜົນ, ທັງຟື້ນຟູ ແລະ ພັດທະນາເສດຖະກິດ - ສັງຄົມ. ຄລິບດັ່ງກ່າວກໍເປັນການສະແດງຄວາມຮູ້ບຸນຄຸນຕໍ່ບັນດານັກຮົບໃນແນວໜ້າຂອງການປ້ອງກັນ, ສະກັດກັ້ນໂລກລະບາດ, ຖັນແຖວນັກຊ່ຽວຊານ, ທ່ານໝໍ, ພະນັກງານການແພດ, ທະຫານ... ບຸກຄົນທີ່ພວມມານະພະຍາຍາມທັງເວັນ ແລະ ຄືນ ເພື່ອຍູ້ໂລກລະບາດໃຫ້ຖອຍໄປ.