(ພາບ: AFP)
(vovworld)- ໂດຍບໍ່ຫົວຊາຕໍ່ເລື່ອງທ່ານເລຂາທິການໃຫ່ຍ ສປຊ ບານກີມູນ ຊຸກຍູ້ “ການກະທຳທີ່ແຂງແຮງກ່ວາ“ ເພື່ອແນໃສ່ຮັບມືກັບໄພອັນຕະລາຍຈາກການປ່ຽນແປງຂອງດິນຟ້າອາກາດ ຊື່ງພວມນັບມື້ນັບເພີ່ມຂຶ້ນນັ້ນ, ການເຈລະຈາຂັ້ນລັດຖະ ມົນຕີຢູ່ນະຄອນຫຼວງ Warsaw ປະເທດໂປໂລຍ ໃນຂອບເຂດກອງປະຊຸມ COP 19 ຍັງບໍ່ທັນບັນລຸໄດ້ຄວາມຄຶບໜ້າເທື່ອ ຍ້ອນຄວາມບໍ່ລົງລອຍກັນລະຫວ່າງບັນດາປະເທດພັດທະນາ ແລະ ປະເທດທຸກຍາກກ່ຽວກັບບັນຫາການເງິນ.
ເຖິງວ່າ, ກອງປະຊຸມກ່ຽວກັບການປ່ຽນແປງຂອງດິນຟ້າອາກາດຢູ່ Warsaw ປະເທດໂປໂລຍ ຈະອັດລົງໃນເວລາອີກ 2 ວັນກໍ່ຕາມ ແຕ່ຝ່າຍຕ່າງໆຍັງມີຄວາມບໍ່ລົງລອຍກັນກ່ຽວກັບບ້ວງເງິນຊ່ວຍເຫຼືອບັນດາປະເທດທຸກຍາກ ຮັບມືກັບສະພາບການໜ່ວຍໂລກອຸ່ນຂຶ້ນ ແລະ ຫລຸດຜ່ອນປະລິມານອາຍຜິດເຮືອນແກ້ວ. ໃນຂະນະທີ່ຜູ້ຕາງໜ້າບັນດາປະເທດໃຫ່ຍຢືນຢັນວ່າໄດ້ປະກອບບ້ວງເງິນກ້ອນໃຫ່ຍໃຫ້ແກ່ການຕ້ານການປ່ຽນແປງຂອງດິນຟ້າອາກາດ, ຜູ້ຕາງໜ້າປະເທດຕ່າງໆພັດຖືວ່າ ຈຳນວນເງິນປະກອບດັ່ງກ່າວແມ່ນບໍ່ທັນພຽງພໍ ແລະ ບັນດາປະເທດທຸກຍາກພວມຕ້ອງພະຍາຍາມຈົນສຸດຄວາມສາມາດເພື່ອລະດົມບັນດາແຫຼ່ງການເງິນເພື່ອຮັບມືກັບການ ປ່ຽນແປງຂອງດິນຟ້າອາກາດ./.