ຄວາມມີເສລີພາບຢູ່ທະເລຕາເວັນອອກ ຈະຮັບປະກັນສິດເສລີໃນການເດີນເຮືອ, ການບິນ ແລະ ການຄ້າສາກົນ
(ກອງປະຊຸມສຳມະນາສາກົນກ່ຽວກັບທະເລຕາເວັນອອກ)
(vovworld) – ຕອນເຊົ້າວັນທີ 26/07, ຢູ່ນະຄອນໂຮ່ຈິມິນ, ສະມາຄົມກົດໝາຍສາກົນ ສົມທົບກັບມະຫາວິທະຍາໄລກົດໝາຍນະຄອນ ຈັດຕັ້ງກອງປະຊຸມສຳມະນາສາກົນ “ບັນດາແງ່ມູນດ້ານກົດໝາຍທີ່ກ່ຽວຂ້ອງເຖິງເລື່ອງຈີນ ຕັ້ງຮ້ານເຈາະນ້ຳມັນໄລຢາງ 981 ຢ່າງຜິດກົດໝາຍໃນເຂດນ່ານທະເລຂອງຫວຽດນາມ”. ເຂົ້າຮ່ວມກອງປະຊຸມສຳມະນາມີນັກຮຽນຮູ້ເຊິ່ງເປັນຜູ້ຊ່ຽວສານກ່ຽວກັບກົດໝາຍສາກົນ 50 ຄົນ ທີ່ມາຈາກ 12 ປະເທດ, ຕາງໜ້າໃຫ້ບາງອົງການການທູດ, ອົງການຈັດຕັ້ງສາກົນ ແລະ ບັນດານັກຄົ້ນຄວ້າຂອງຫວຽດນາມ. ທີ່ກອງປະຊຸມສຳມະນາ, ບັນດານັກຮຽນຮູ້ຢືນຢັນວ່າ: ທະເລຕາເວັນອອກແມ່ນເສັ້ນທາງທະເລສາກົນທີ່ສຳຄັນ ແລະ ມີທີ່ຕັ້ງດ້ານພູມສາດການເມືອງສຳຄັນພິເສດ ບໍ່ພຽງແຕ່ສຳລັບບັນດາປະເທດໃນພາກພື້ນເທົ່ານັ້ນ ຫາກຍັງຂອງທົ່ວໂລກອີກດ້ວຍ. ສະນັ້ນ, ການຮັກສາສະພາບແວດລ້ອມທີ່ໝັ້ນຄົງ, ຮ່ວມມື ແລະ ພັດທະນາຢູ່ທະເລຕາເວັນອອກແມ່ນພັນທະຂອງບັນດາປະເທດ ແລະ ແມ່ນປັດໄຈສຳຄັນເພື່ອຮັບປະກັນຄວາມປອດໄພ, ສິດເສລີໃນການເດີນເຮືອ, ການບິນ ແລະ ການຄ້າສາກົນ. ເລື່ອງຈີນ ຕັ້ງຮ້ານເຈາະນ້ຳມັນໄຮຢາງ 981 ໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ ໄດ້ຊຸກຍູ້ບັນດາຝ່າຍທີ່ກ່ຽວຂ້ອງຮ່ວມມືນຳກັນ ບົນພື້ນຖານກົດໝາຍສາກົນ, ໃນນັ້ນມີສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 ເພື່ອແກ້ໄຂການຂັດແຍ້ງໂດຍສັນຕິວິທີ. ສາດສະດາຈານ, ປະລິຍາເອກ ມາຍຮົ່ງກຸ່ຍ, ຫົວໜ້າມະຫາວິທະຍາໄລກົດໝາຍນະຄອນໂຮ່ຈິມິນ ຢືນຢັນວ່າ.
“ເລື່ອງຈີນ ຕັ້ງຮ້ານເຈາະນ້ຳມັນໄຮຢາງ 981 ໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ ໄດ້ຕັ້ງບັນຫາການເມືອງ, ກົດໝາຍອອກມາ. ບັນດານັກຮຽນຮູ້ລ້ວນແຕ່ເວົ້າເຖິງແງ່ມູມສິດທິມະນຸດ, ສິດຜົນປະໂຫຍດອັນຊອບທຳຂອງຊາວປະມົງ ແລະ ວິທີເຊິ່ງຈີນ ໄດ້ແກ້ໄຂ. ສະນັ້ນ, ຮຽກຮ້ອງໃຫ້ຕ້ອງມີຄຳຕອບໃຫ້ແກ່ທຸກໆຄຳຖາມ ເຊິ່ງທັງຊາດຫວຽດນາມ ມີຄວາມສົນໃຈ”.