ຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ບັນດາອົງການສື່ສານສົມທົບກັນໂຄສະນາ
ສົມທົບການໂຄສະນາລະຫວ່າງຄະນະກຳມະການສູນກາງ
ແນວໂຮມປະເທດຊາດຫວຽດນາມ ແລະ ບັນດາອົງການສື່ສານ
(ພາບ: TTXVN)
(vovworld) – ວັນທີ 01/08, ການນຳຄະນະໂຄສະນາສຶກສາສູນກາງ, ກະຊວງຖະແຫຼງຂ່າວ ແລະ ສື່ສານ, ສະມາຄົມນັກຂ່າວຫວຽດນາມ ແລະ ບາງອົງການສື່ມວນຊົນ ໄດ້ມີການເຮັດວຽກກັບຄະນະກຳມະການສູນກາງແນວໂຮມປະເທດຊາດຫວຽດນາມ ເພື່ອຍົກສູງປະສິດທິຜົນວຽກງານສົມທົບກັນໂຄສະນາ. ກ່ຽວກັບໜ້າທີ່ສົມທົບວຽກງານລະຫວ່າງອົງການຕ່າງໆ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ເນັ້ນໜັກວ່າ.
“ໃນໄລຍະຈະມາເຖິງ, ຫວັງວ່າ ບັນດາອົງການສຸມໃສ່ວຽກງານໂຄສະນາກ່ຽວກັບກອງປະຊຸມໃຫຍ່ແນວໂຮມປະເທດຊາດ, ທັງກ່ອນຈັດກອງປະຊຸມ, ໃນໄລຍະດຳເນີນກອງປະຊຸມ ແລະ ພາຍຫຼັງກອງປະຊຸມໃຫຍ່. ພວກຂ້າພະເຈົ້າ ຈະຕອບສະໜອງຄວາມຮຽກຮ້ອງຕ້ອງການຂອງບັນດາອົງການສື່ມວນຊົນໃນການສະໜອງຂໍ້ມູນທີ່ກ່ຽວຂ້ອງເຖິງການເຄື່ອນໄຫວຂອງຊາວຫວຽດນາມ ອາໄສຢູ່ຕ່າງປະເທດ. ກ່ຽວຂ້ອງເຖິງຄໍລຳກ່ຽວກັບມະຫາສາມັກຄີ ນັ້ນ, ພວກຂ້າພະເຈົ້າຢືນຢັນວ່າ, ນັບແຕ່ນີ້ເຖິງກອງປະຊຸມໃຫຍ່, ພວກຂ້າພະເຈົ້າຈະມີການຮ່ວມງານຢ່າງແໜ້ນແຟ້ນເພື່ອເຮັດໃຫ້ເນື້ອໃນຄໍລຳມີຄວາມແທດຈິງກວ່າ”.
ໄລຍະຈະມາເຖິງ, ແນວໂຮມປະເທດຊາດຫວຽດນາມ, ຄະນະໂຄສະນາສຶກສາສູນກາງ, ກະຊວງຖະແຫຼງຂ່າວ ແລະ ສື່ສານ, ສະມາຄົມນັກຂ່າວຫວຽດນາມ ແລະ ອົງການສື່ມວນຊົນຕ່າງໆ ຈະສົມທົບກັນໂຄສະນາແຜນນະໂຍບາຍ, ແນວທາງຂອງພັກ, ນະໂຍບາຍ, ກົດໝາຍຂອງລັດກ່ຽວກັບຄວາມມະຫາສາມັກຄີທົ່ວທັງຊາດ, ໂຄສະນາ, ຜັນຂະຫຍາຍການປະຕິບັດລະບຽບການຕິດຕາມກວດກາ ແລະ ໄຈ້ແຍກຕີລາຄາສັງຄົມຂອງແນວໂຮມປະເທດຊາດຫວຽດນາມ ແລະ ບັນດາອົງການການເມືອງ, ສັງຄົມ. ພິເສດພວກຂ້າພະເຈົ້າຍັງສົມທົບກັນໂຄສະນາໝາກຜົນແຫ່ງການກວດກາການປະຕິບັດນະໂຍບາຍສຳລັບຜູ້ມີຄູນງາມຄວາມດີຕໍ່ການປະຕິວັດ.