ຄະນະບໍລິຫານງານສູນກາງພັກ ພິຈາລະນາກ່ຽວກັບວຽກງານພະນັກງານ
(VOVWORLD) - ໂດຍອີງໃສ່ຂໍ້ກຳນົດປັດຈຸບັນຂອງພັກ, ລັດ ແລະ ພິຈາລະນາຄວາມຫວັງຂອງທ່ານ ຫງວຽນຊວັນຟຸກ, ຄະນະບໍລິຫານງານສູນກາງພັກ ຕົກລົງອະນຸຍາດໃຫ້ທ່ານຫງວຽນຊວັນຟຸກ ເຊົາດຳລົງບັນດາຕຳແໜ່ງກຳມະການກົມການເມືອງ, ສູນກາງພັກຊຸດທີ XIII, ປະທານປະເທດ ຫວຽດນາມ, ປະທານສະພາປ້ອງກັນຊາດ, ປ້ອງກັນຄວາມສະຫງົບ ອາຍຸການ 2021 – 2026.
 ທ່ານ ຫງວຽນຊວັນຟຸກ (ພາບ: baochinhphu.vn) |
ວັນທີ 17 ມັງກອນ ຢູ່ຮ່າໂນ້ຍ, ຄະນະບໍລິຫານງານສູນກາງພັກ ຄອມມູນິດ ຫວຽດນາມ ຊຸດທີ XIII ໄດ້ໂຮມປະຊຸມພິຈາລະນາ ແລະ ປະກອບຄຳເຫັນກ່ຽວກັບຄວາມປາດຖະໜາຢາກລາອອກຈາກບັນດາຕຳແໜ່ງ, ຂໍພັກບຳນານຂອງທ່ານ ຫງວຽນຊວັນຟຸກ, ກຳມະການກົມການເມືອງ, ສູນກາງພັກຊຸດທີ XIII, ປະທານປະເທດ ຫວຽດນາມ, ປະທານສະພາປ້ອງກັນຊາດ, ປ້ອງກັນຄວາມສະຫງົບ ອາຍຸການ 2021 – 2026.
ໂດຍອີງໃສ່ຂໍ້ກຳນົດປັດຈຸບັນຂອງພັກ, ລັດ ແລະ ພິຈາລະນາຄວາມຫວັງຂອງທ່ານ ຫງວຽນຊວັນຟຸກ, ຄະນະບໍລິຫານງານສູນກາງພັກ ຕົກລົງອະນຸຍາດໃຫ້ທ່ານຫງວຽນຊວັນຟຸກ ເຊົາດຳລົງບັນດາຕຳແໜ່ງດັ່ງກ່າວ ແລະ ມອບໃຫ້ກົມການເມືອງສູນກາງພັກຊີ້ນຳບັນດາອົງການສຳນັກງານທີ່ກ່ຽວຂ້ອງ ຜັນຂະຫຍາຍປະຕິບັດລະບຽບການຕ່າງໆຕາມກຳນົດ.