(vovworld) - ວັນທີ15/4, ໂດຍຕອບສະຫນອງປີທ່ອງທ່ຽວແຫ່ງຊາດເຂດທົ່ງພຽງແມ່ນ້ຳແດງ- ຫາຍຟ່ອງປີ 2013, ກົມໃຫຍ່ທ່ອງທ່ຽວ, ສັງກັດກະຊວງວັດທະນະທຳ ກິລາ ແລະ ທ່ອງທ່ຽວຫວຽດນາມ ແລະ ຄະນະກຳມະການປະຊາຊົນນະຄອນ ຮ່າໂນ້ຍ ຈັດຕັ້ງງານຕະຫລາດນັດທ່ອງທ່ຽວສາກົນ ຫວຽດນາມ 2013.
ງານຕະຫລາດນັດທ່ອງທ່ຽວ
ພາບ:internet
|
ງານຕະຫລາດນັດດັ່ງກ່າວມີຫົວຂໍ້ວ່າ: “ຂຸດຄົ້ນເຂດທົ່ງພຽງແມ່ນ້ຳແດງ- ກົກເຄົ້າເຫງົ້າກໍຂອງວັດທະນະທຳຫວຽດນາມ” ໄດ້ດຳເນີນໄປແຕ່ວັນທີ 18 -21/4 ຢູ່ ຮ່າໂນ້ຍ ດ້ວຍຮ້ານວາງສະແດງ 400 ຮ້ານ, ໃນນັ້ນ ມີ 150 ຮ້ານຂອງຕ່າງປະເທດ. ເຂົ້າຮ່ວມງານຕະຫລາດນັດທ່ອງທ່ຽວປີນີ້ ມີບັນດາປະເທດຄື: ໄທ, ມາເລເຊຍ, ກຳປູເຈຍ, ເຢຍລະມັນ, ຝລັ່ງ, ອາເມລິກາ, ຍີ່ປຸ່ນ, ສເກົາຫລີ, ສິງກະໂປ. ທ່ານ Charles Chou ຜູ້ອຳນວຍການໃຫຍ່ບໍລິສັດທ່ອງທ່ຽວ Arirang ສຳນັກງານຕັ້ງຢູ່ ເຊີອູນ ປະເທດ ສເກົາຫລີ ໃຫ້ຮູ້ວ່າ:
“ເຂົ້າຮ່ວມງານຕະຫລາດນັດທ່ອງທ່ຽວ ພວກຂ້າພະເຈົ້າຢາກແນະນຳບັນດາສະຖານທີ່ທ່ອງທ່ຽວອັນດູດດື່ມຂອງສເກົາຫລີ. ໃນງານຕະຫລາດນັດທ່ອງທ່ຽວຄັ້ງນີ້ ຂ້າພະເຈົ້າມີຄວາມປະທັບໃຈພິເສດ ເພາະວ່າ ມີຫລາຍບໍລິສັດທ່ອງທ່ຽວມາຈາກບັນດາປະເທດຄື: ໄທ, ຝລັ່ງ,ຍີ່ປຸ່ນ …ກໍມີຫນ້າຢູ່ທີ່ນີ້. ສິ່ງດັ່ງກ່າວແມ່ນດີທີ່ສຸດສຳລັບຂະແຫນງທ່ອງທ່ຽວຫວຽດນາມ.”