(ທີ່ກອງປະຊຸມຖະແຫຼງຂ່າວ)

        ວັນທີ 12 ພະຈິກ, ຢູ່ ຮ່າໂນ້ຍ, ສູນສົ່ງເສີມການຄ້າກະສິກຳ ໄດ້ຈັດກອງປະຊຸມຖະແຫຼງຂ່າວໂຄສະນາງານວາງສະແດງກະສິກຳສາກົນຄັ້ງທີ 24 ປີ 2024 – AgroViet 2024 ເຊິ່ງຈະຂັດຂຶ້ນແຕ່ວັນທີ 20 – 23 ພະຈິກ, ຢູ່ເຂດງານຕະຫຼາດນັດວາງສາແດງແລກປ່ຽນເສດຖະກິດ ແລະ ການຄ້າ, ຮ່າໂນ້ຍ.

        AgroViet 2024 ມີຮ້ານວາງສະແດງ 250 ຮ້ານ, ແນະນຳຫຼາຍຜະລິດຕະພັນກະສິກຳ, OCP, ຜະລິດຕະພັນທີ່ເປັນເອກະລັກສະເພາະ, ດີເດັ່ນຂອງບັນດາທ້ອງຖິ່ນ, ຜະລິດຕະພັນກະເສດ, ເຄື່ອງຈັກ, ເຄື່ອງອຸປະກອນຮັບໃຊ້ການຜະລິດກະສິກຳ… ຕາມຄະນະຈັດຕັ້ງແລ້ວ, ມາຮອດປະຈຸບັນ, ໄດ້ຮັບໃບຈົດທະບຽນຂອງເກືອບ 100 ຫົວໜ່ວຍຢູ່ພາຍໃນປະເທດ ແລະ ຕ່າງປະເທດ. ໃນນັ້ນ, ເຂດຮ້ານວາງສະແດງກະສິກຳສາກົນ (99 ຮ້ານ) ມາຈາກຫຼາຍປະເທດ ແລະ ເຂດແຄ້ວນ, ຄື: ຈີນ, ໄຕ້ຫວັນ (ຈີນ), ມົງໂກນ, ສ.ເກົາຫຼີ, ອົດສະຕາລີ, ລັດເຊຍ…