ງານບຸນລົງທົ່ງນາ: ຈຸດວັດທະນະທຳ ພີເສດສະເພາະຂອງ ຊົນເຜົ່າສ່ວນໜ້ອຍ
Vĩnh Phong -
(ພາບ: vov)
(vovworld)- ງານບຸນລົງທົ່ງນາຢູ່ຕາແສງນາໂຮຍ ເມືອງບັກຮ່າ ແຂວງລາວກາຍ ຈັດຂຶ້ນໃນວັນເພງເດືອນຈຽງໄລ່ຕາມຈັນທະປະຕິທິນໄດ້ກາຍເປັນຈຸດວັດທະນະທຳອັນເປັນມູນເຊື້ອໃນໂອກາດຕົ້ນລະດູບານໃໝ່, ປີໃໝ່. ງານບຸນແມ່ນບ່ອນເຕົ້າໂຮມວັດທະນະທຳຂອງ 12 ຊົນເຜົ່າດຳລົງຊີວິດໃນບໍລິເວນຕາແສງ ພ້ອມກັບການເຂົ້າຮ່ວມຂອງ ປຊຊ, ແຂກທ່ອງທ່ຽວພາຍໃນ ແລະ ຕ່າງປະເທດນັບພັນຄົນ.
(ພາບ: vov)
ນັບແຕ່ຮຸ່ງເຊົ້າ, ປຊຊ ບັນດາເຜົ່າໃນຕາແສງນາໂຮຍ ໄດ້ມີໜ້າຢູ່ສຳນັກງານຄະນະກຳມະການ ປຊຊ ຕາແສງເພື່ອເຂົ້າຮ່ວມງານບຸນ. ງານບຸນລວມມີ 2 ພາກສ່ວນ: ພິທີ ແລະ ງານບຸນ. ທ່ານເຈິ່ນດັກຮ່າ, ຮອງປະທານຄະນະກຳມະການ ປຊຊ ຕາແສງນາໂຮຍ ໃຫ້ຮູ້ວ່າ:
“ງານບຸນລົງທົ່ງນາອັນເປັນມູນເຊື້ອຂອງຊົນເຜົ່າໄຕ່ທີ່ເຂັ້ມຄົ້ນໄປດ້ວຍສີສັນວັດທະນະທຳຂອງບັນດາຊົນເຜົ່າ. ງານບຸນຊ່ວຍ ປຊຊ ບັນດາເຜົ່າ, ໂດຍສະເພາະແມ່ນລຸ່ນໜຸ່ມເຂົ້າໃຈໄດ້ບັນດາສີສັນຂອງຊົນເຜົ່າຕົນ, ພາວະນາຂໍໃຫ້ດິນຟ້າເອື້ຍອຳນວຍຄວາມສະດວກ, ລະດູເດັບກ່ຽວໄດ້ຮັບຜົນດີ ແລະ ທຸກຄົນມີສຸຂະພາບແຂງແຮງ.“
ພາຍຫຼັງພິມີບູຊາແມ່ນງານບຸນຊື່ງໄດ້ເລີ່ມຕົ້ນດ້ວຍບັນດາວາດຟ້ອນ ແລະ ບັນດາລາຍການສິລະປະພິເສດສະເພາະຂອງ ປຊຊ ໃນຕາແສງຄື: ຟ້ອນວີ, ຟ້ອນແພ, ຟ້ອນກຸບ, ຟ້ອນແຊ…ປ້າວ່າງທິທຸຍ, ບ້ານນາໂຮຍໄຕ່ ໃຫ້ຮູ້ວ່າ:
“ສຳລັບຊາວເຜົ່າໄຕ່, ຕ້ອງມີວາດຟ້ອນແຊຈຶ່ງໄປເຮັດວຽກ. ແຕ່ລະປີ, ຕາແສງຈັດການຟ້ອນແຊເພື່ອໃຫ້ບັນຍາກາດມີຄວາມຟົດຟື້ນມ່ວນຊື່ນໃນໂອກາດຕົ້ນລະດູບານໃໝ່, ບັນເທົ່າຄວາມອິດເມືອ່ຍ, ຄວາມຫຍຸ້ງຍາກຂອງທັງປີ“./.
Vĩnh Phong