ງານບຸນແຫ່ປາເທວະດາຕົ້ນລະດູບານໃຫມ່ຢູ່ແຂວງ ແທງຮວາ

ວັນອາທິດ ທີ 17 ກຸມພາ ຄ.ສ. 2013 | 16:22:59

ງານບຸນແຫ່ປາ
ພາບ: internet

(vovworld)- ໃນວັນທີ 17 ແລະ 18/2 ກົງກັບວັນທີ 8, 9 ເດືອນຈຽງ, ຊາວບ້ານ ເລືອງງອກ, ຕາແສງ ເກີມເລືອງ ເມືອງເກີມຖູຍ ແຂວງ ແທງຮວາ ໄດ້ຈັດຕັ້ງງານບຸນປະເພນີແຫ່ປາເທວະດາ ເພື່ອພາວະນາດິນຟ້າອາກາດເອື້ອອຳນວຍຄວາມສະດວກ, ລະດູການເກັບກ່ຽວໄດ້ຮັບຜົນດີ. ງານບຸນແຫ່ປາເທວະດາ ແມ່ນຄວາມງາມຂອງການເຫລື້ອມໃສດ້ານຈິດວິນຍານຂອງຊາວທ້ອງຖິ່ນ. ເຂົ້າຮ່ວມງານບຸນດັ່ງກ່າວ, ແຂກມາຈາກຫລາຍທ້ອງຖິ່ນໃນທົ່ວປະເທດຍັງໄດ້ຮັບຊົມຄວາມງາມມະຫັດສະຈັນຂອງຫ້ວຍປາເທວະດາ ແລະ ເຂົ້າຮ່ວມການລະຫລິ້ນພື້ນເມືອງຕ່າງໆຂອງຊົນເຜົ່າເມື່ອງຢູ່ ແຂວງ ແທງຮວາອີກດ້ວຍ. ທ່ານ ຮ່ວາງຈູງຫ໋າຍ, ຫົວຫນ້າພະແນກວັດທະນະທຳຖະແຫລງຂ່າວ ເມືອງເກີມຖູຍ ໃຫ້ຮູ້ວ່າ:

“ຕາມເລື່ອງລາວມາແຕ່ບູຮານນະການແລ້ວ, ເທວະດາ ຝູລອງເວືອງ (Phủ Long Vương) ຮັກສາຝູງປາເທວະດານີ້ ເພື່ອປົກປັກຮັກສາປະຊາຊົນໃນໝູ່ບ້ານ, ຮັກສາປ່າ ກໍຄືລະດູເກັບກ່ຽວ. ເລີ່ມຕົ້ນຕອນເຊົ້າວັນທີ 8 ເດືອນຈຽງ, ຊາວບ້ານໄດ້ຈັດພິທີສົ່ງສິ່ງບໍ່ດີໃນປີເກົ່າ ຕ້ອນຮັບສິ່ງທີ່ໂຊກດີໃນປີໃຫມ່ນີ້. ຫລັງຈາກນັ້ນ ດຳເນີນພິທີແຫ່ປາ ພ້ອມດ້ວຍການລະຫລິ້ນພື້ນເມືອງຕ່າງໆ. ໃນໂອກາດນີ້, ພວກຂ້າພະເຈົ້າໄດ້ຕ້ອນຮັບນັກທ່ອງທ່ຽວນັບໝື່ນຄົນ ມາເຂົ້າຮ່ວມງານບຸນ.”